د سنهوا اژانس د خبر له مخې، د چين د دولت رئيس شي جين پينګ د سپتمبر په دوهمه نېټه په لوی ولسي تالار کې د انګولا له ولسمشر جواو مانوېل ګوکالوی لورنکو سره وکتل.
شي جين پينګ وويل، چې د چين او انګولا تر منځ د ستراتيژيکو همکاريزو اړيکو د جوړېدلو له ۸ کلونو راهيسې، دواړه خواوې پر متقابل درناوي او همکارۍ باندې ټينګار کړی چې يوه ځانګړې ګډه د پرمختګ لاره جوړ کړي.
لورنکو وويل چې د انګولا او چين تر منځ اړيکې ټينګې او دوستانه دي. انګولا د يو چين پېژندنې پر تګلارې ټينګار کوي او غواړي له چين سره د سياسي باور او دوه اړخيزې همکارۍ پياوړې کړي.
د دواړو مشرانو تر کتنو وروسته د دوه اړخيزې همکارۍ او دوستۍ په اړه ځيني سندونه هم لاسليک شول.
(مينه)
© China Radio International.CRI. All Rights Reserved. 16A Shijingshan Road, Beijing, China. 100040 |