ماکرون له ستونزمن حال څخه د اروپايي ټولنې د ژغورلو لپاره ډېرې ديپلوماتيکې هڅې کوي، نو دا لازمه ده چې چين او اروپا په يو لوري کې ګامونه پورته کړي

په اوسنۍنړۍ کې چې پکې بېلا بېل نظرونه او ځواکونه شته دي، اروپا چې تل د نړيوالې ادارې دنده پر غاړه لري ، له ډېرو ستونزو سره مخ ده. د فرانسې ولسمشر امانويل ماکرون د اروپايي ټولنې د يوه مشر په توګه په دې وروستيو ورځو کې ديپلوماتيک کوښښونه کړي په تېره بيا د اګيست په پای کې يې په بهرنيو هېوادونو کې د فرانسوي ديپلوماتانو په غونډه کې يوه مهمه وينا کړې او پکې يې له څو اړخيز کېدو څخه ملاتړ کړی دی.له دې څخه ښکاريږي چې فرانسې له ستونزمن حال څخه د اروپايي ټولنې د ژغورلو لپاره ډېرې هڅې کړې دي.

يو اړخيز کېدو د امريکا او اروپا ترمنځ اتحاد ته زيانونه رسولي دي

ماکرون وويل چې اوس څو اړخيزې غوښتنې او د يادې ټولنې پرمختګ له بې ساري بحران سره مخ دی .د امريکا د ډونالډ ټرمپ حکومت د يو اړخيز کېدو نظر کلک دی .د فرانسې، المان او اروپايي ټولنې مشرانو له ټرمپ سره د نظريو تبادله وکړه او ور سره يې دوستي ټينګه کړه، خو هېڅ نتيجه يې تر لاسه نه کړه.ډونالډ ټرمپ د امريکا او اروپا ترمنځ په راکړه ور کړه کې امريکايي ګټو ته زيانونه نه غواړي ، نو نه يوازې له دې ټولنې سره يې له سوداګريزې جګړې څخه لاس نه دی اخيستی، بلکې په ناټو کې د اروپايي غړو له خوا د غړيتوب پيسې د ور کولو او د خپل هېواد د ګټو د بيا تر لاسه کولو لپاره يې هم ډېرې هڅې کړې دي.

سربېره پردې امريکا د ايران د ذروي تړون او اقليمي بدلون په هکله د اروپا لپاره څه ستونزې جوړې کړې چې د اروپا د نړيوالو فعاليتونو مهمو لاسته راوړنو ته يې زيانونه رسولي دي.دا تر ټولو سخته ده چې ټرمپ د اروپايي هېوادونو د يو ځای کېدو اهميت کم کړی او د اروپايي ګټو په تړاو مسئلې يې له پامه غورځولی دی.د دې ترڅنګ هغه هم د اروپايي ټولنې د بېلتون له غوښتونکو څخه ملاتړ کړی دی.په دې هکله ماکرون په خپلو خبرو کې دې ته اشاره وکړه چې د امريکا د يو اړخيزو عملونو له امله د اروپا او امريکا ترمنځ اتحاد خپل رول له لاسه ور کړی دی.

اوس مهال د اروپايي ټولنې په دننه کې د اروپا د يو ځای کېدو بد ګومان شتون لري او د تندلارۍ غوښتونکي هم ډېريږي.

د دې حالت پر وړاندې ماکرون فرانسوي لايحه وړاندې کړه او په بهرنيو هېوادونو کې د ميشتو فرانسوي ديپلوماتانو او سفيرانو په غونډه کې يې د اتحاديې، ارزښتونو او ګټو تر عنوان لاندې يوه وينا وکړه او له نړيوالو حالاتو او د پاملرنې وړ مسئلو سره د مقابلې لپاره يې د فرانسې دريځ بيان کړ.دغه راز هغه په خپله وينا کې د ټرمپ پر يو اړخيزو عملونو نيوکه وکړه ، خو په عين وخت کې په دې اند دی چې ور سره د ډيالوګ ساتل هم لازم دي.سربېره پر دې هغه د څو اړخيز کېدو په بهير کې د چين فعال ګډون وستايه ، خو ګومان يې کړی چې د دې بهير په هکله چين خپل نظر لري.د نړيوالې ادارې په هکله ماکرون وويل چې د چين د يو کمربند او يوې لارې وړانديز د ځينو سيمو د ثابتېدو او د نړيوال کېدو غوره والی لري .په دې برخه کې به فرانسه د برابرۍ لټولو او د خپلو ګټو او ارزښتونو د ساتلو له اصولو سره سم له چين سره رغنده او باورلرونکي ډيالوګ وکړي.ماکرون د اروپايي ټولنې د يو ځای کېدو پر پرمختيايي موخې ټينګار کوي او د اروپا له خوا د خپلواکې ستراتيژۍ د غوره کولو او د نموني مقام د نيولو لپاره هڅه کوي او په دې ټولنه کې له بېلتون سره مخالفت کوي تر څو د اروپايي ټولنې د اصلاحاتو او د متقابلې مرستې لپاره پرمخ ولاړ شي.

ماکرون په يو لوري کې له المان سره د ګامونو پورته کولو ترڅنګ نوې ديپلوماتيکې هڅې هم کړې دي.په دې وروستيو ورځو کې هغه د اروپايي ټولنې له ۱۴ غړو هېوادونو څخه ليدنې وکړې تر څو د دې ټولنې د سمسورتيا لپاره له اړوند پلان څخه لازيات ملاتړ تر لاسه کړي.

دا رښتيا ده چې چين او اروپا د څو اړخيز کېدو په هکله ګډې نظريې لري.دواړه خواوې د څو اړخيز سيستم او معقولو اصولو د ساتلو لپاره د نظريو تبادلې اوهمکاري پياوړې کوي تر څو د نړيوالو اړيکو د ښه پرمختګ لپاره خپل مثبت رول ولوبوي. نو چين او اروپا بايد متقابل باور او تفاهم ټينګ کړي او په يو لوري کې دې ګامونه پورته کړي.