د سينهوا اژانس د خبر له مخې، د عامو خلکو د علمي زده کړو د پياوړتيا نړيواله غونډه د سپتمبر په ۱۷ مه نېټه په بېجينګ کې پرانيستل شوه. د چين د دولت رئيس شي جين پينګ يادې غونډې ته د مبارکۍ پيغام واستاوه.
په دغه پيغام کې شي جين پينګ دې ته اشاره کړې چې ساينس او تخنيک لومړی توليدونکي ځواک دی چې د نوښت پرمختيا لپاره خوځنده ځواک برابروي. شي جين پينګ په دغه پيغام کې څرګنده کړې چې چين د ساينس پراختيا ته په ډېره درنه سترګه ګوري او د عامو خلکو د علمي زده کړو او د ساينس او کلتور د پياوړتيا لپاره به پر له پسې کوښښونه وکړي.
(مينه)
© China Radio International.CRI. All Rights Reserved. 16A Shijingshan Road, Beijing, China. 100040 |