 |
||
 |
||
 |
||
|
||
|
||
|
||
|
||
|
د چين نړيوالې راډيو د خبر له مخې، د مصر پوځ د اکتوبر په ۱۶مه نېټه خبر ورکړ چې د (( سينا په ۲۰۱۸ کال کې )) په نوم د ترهګرۍ پر ضد د عملياتو د پلې کېدو له اتو مياشتو راهيسې ۴۵۰ تنه ترهګر او تندلاري وژل شوي دي. يوه ورځ مخکې د مصر ولسمشر السيسي د يو حکم په لاسليکولو سره پرېکړه کړې چې په ټول هېواد کې هغه بېړنی حالت چې د ۲۰۱۷ کال په اپريل مياشت کې پيل شوی، درې مياشتې لا نور وغځېږي.
د مصر د پوځ وياند تامير الريفای د اکتوبر په ۱۶مه نېټه له خبريال سره د مرکې په وخت کې وويل، د روان کال په فبرورۍ کې د سينای ۲۰۱۸ په نوم د ترهګرۍ پر ضد د عملياتو له پلې کېدو راهيسې، د سينا ټاپووزمې په شمال او منځنۍ سيمو کې ۴۵۰ ترهګر او تندلاري وژل شوي دي. په عين وخت کې د مصر دېرش تنه پوليس له ترهګرو سره په جګړو کې وژل شول. ټول پوځي عمليات د ملکي وګړيو د استوګنې له سيمو څخه په بهر کې ترسره شوي او د ځايي وګړيو لخوا يې ملاتړ شوی. (هيله)
| © China Radio International.CRI. All Rights Reserved. 16A Shijingshan Road, Beijing, China. 100040 |
