د چين او استراليا په اړيکو کې ښه والی راغلی، خو جاري ساتل يې په استراليا پورې اړونديږي

له يوې مودې راهيسې استراليا په پرله پسې توګه چين ته ښه نيت څرګند کړی دی. د استراليا نوي صدراعظم د اسيان د سرمشريزې غونډې پر مهال د چين له صدراعظم لي که چيانګ سره وکتل او په يو لړ موضوعاتو يې خبرې اترې وکړې .

چين له استراليا سره خپلو اړيکو ته پاملرنه کوي او د سکوټ موريسن حکومت چې روان کال په اګست مياشت کې واک ته رسيدلی، د دغو اړيکو د ښه کولو لپاره يو فرصت بولي.

په تېر يو نيم کال کې د چين په اړه د استراليا تګلارې له بدګړو او ښېګڼو څخه ډکې وې چې له امله يې د دواړو هېوادونو د همکارۍ سياسي بنسټ او د ولسي خلکو ملاتړ اغېزمن شوی دی. مثلاً استراليا په لويديځو هېوادونو کې چين تورن کړی چې د نورو په کورنيو چارو کې لاسوهنه کوي، او د چين په مقابل کې يې د چين د بهرنيو لاسوهنو پرضد قانون جوړ کړی دی. د چين پرضد د استراليا د فيدرالي حکومت له ډول ډول کړنو سره سره د دغه هېواد ايالتي حکومتونو په فعاله توګه له چين سره تماس ساتلی دی. تېره مياشت د استراليا د ويکتوريان ايالت له چين سره د يو کمربند او يوې لارې د ګډې همکارۍ تړون لاسليک کړ. د استراليا د لويديځ ويکتوريان ايالت مشر مارک مکګوان د دې تړون هرکلی وکړ او له چين سره يې د خپلو اړيکو ټينګول مهم کار وباله.

ځيني څېړونکي دې ته اشاره کوي چې د استراليا حکومت اندېښنه لري ، که له خپل لوی سوداګريز همکار چين سره يې اړيکې په دوامداره توګه په رکود کې پاتې شي، نو اقتصاد به يې زيامن شي او د راتلونکي کال د ټولټاکنو لپاره به ګټې ونه لري. نو لازمه ده چې ښې اړيکې ورسره وساتي.

د اقتصادي اړيکو په برخه کې دواړه هيوادونه همکار ملګري دي . چين لوی بازار لري چې وده يې ډېره چټکه ده، استراليا غني کانونه، غوره کرهنيز توليدات ، ښه ښوونيز ارګانونه او سياختي سرچينې لري. هرکال چين ته د استراليا د صادراتو انډول بهرنيو هېوادونو ته د دغه هېواد په ټولو صادراتو کې ۳۰٪ نيسي. ويل کيږي چې استراليا د دواړو هېوادونو له اړيکو څخه ډېرې ګټې ترلاسه کوي.

د بېلګې په توګه،که استراليا د ارام سمندر جنوبي برخه د خپل نفوذ قلمرو ګڼي، نو د دغې سيمې په ټاپوګانونو کې د چین پر پانګونو شک لري او ورڅخه ډاریږي، خو له بلې خوا که دواړه هېوادونه په دغه سيمه کې د ځينو پروژو په برخه کې ګډې همکارۍ وکړي، بيا به ګډې ګټې پيدا کړي.

پدې وروستيو ورځو کې د استراليا د بهرنيو چارو پخواني وزير اليکسندر دونير وويل، اړتیا نشته، چې د چين له پرمختګ څخه وډار شو. که چين د ځان دښمن بولو، نو په اخر کې به دا هیواد په خپله پر یو دښمن بدل کړو

د استراليا د بهرنيو چارو وزيرې د روانې مياشتې په لومړيو کې له چين څخه د رسمي ليدنې پر مهال د چين د نړيوال پرمختګ او همکارۍ پروګرام .... له رئيس سره وکتل او له نوموړي سره یې په خبرو کې څرګنده کړه چې استراليا غواړي د چين له ارګانونو سره ګډې همکارۍ وکړي.

وړاندې د استراليا صدراعظم سکوټ موريسن ويلي و چې د چين پرمختګ ګواښ نه بلکې فرصت دی، استراليا غواړي له چين سره خپلمنځي هراړخيزې ستراتېژيکې اړيکې پياوړې کړي .

هيله ده چې د استراليا دغه نيت د دې هيواد د راتلونکو ټولټاکنو د سياسي هدف لپاره نه، بلکې په رښتيني توګه له چين سره د خپلو اړيکو د پرمختګ لپاره وي.