 |
||
 |
||
 |
||
|
||
|
||
|
||
|
||
|
د چين نړيوالې راډيو د خبر له مخې، د چين د بهرنيو چارو وزارت وياند ګنګ شوانګ د نومبر په ۲۰مه نېټه په بېجينګ کې په خپله نوبتي مطبوعاتي غونډه کې وويل، د اسيا او ارام سمندر د اقتصادي همکارۍ سازمان د مشرانو په غير رسمي غونډه کې دا ځل د دود خلاف د مشرانو اعلاميه خپره نه شوه، دا د چين او د دې سازمان د اکثريت غړو د غوښتنې خلاف نتيجه ده.
ګنګ شوانګ وويل، د يادې غونډې د پايلې د سند په اړه په سلا مشورو کې د پام وړ ټکی د نړيوال تجارتي سازمان د پياوړتيا او اصلاحاتو په اړه تجارتي مسئله ده. اکثريت غړيو هېوادونو، په ځانګړي ډول پرمختيايي غړيو هېوادونو د څواړخيز تجارتي سيستم د ساتنې او د تجارتي ساتنې پر ضد د مقابلې غوښتنه کړې ده. خو ځينې هېوادونه پر دې ټينګار کوي چې په سند کې د نورو هېوادونو د ګټو لپاره زيانمن محتويان ور زيات کړي چې دا کار د اسيا او ارام سمندر د اقتصادي همکارۍ سازمان له اصل څخه سرغړونه ده او د بېلابېلو خواوو ګډې ګټې زيانمنوي. په ياده غونډه او سلامشورو کې د چين په شمول ډېرو غړيو هېوادونو د يادې کړنې په اړه مخالفه نظر څرګند کړ.
ګنګ شوانګ وويل، چين د سلامشورې له لارې د توپيرونو پر حل ټينګار کوي، د ګډې نظريې د ترلاسه کولو لپاره يې تر زياتې اندازې پورې هڅه کړې او خپل صميميت يې څرګند کړی دی.
(فرشته)
| © China Radio International.CRI. All Rights Reserved. 16A Shijingshan Road, Beijing, China. 100040 |
