د روسيې اړوند چارواکي: که امريکا د منځني واټن بالستيک توغنديو له تړون څخه ووځي، روسيه به د ستراتيژيکي توازن ساتلو لپاره تدبيرونه ونيسي

د سين هوااژانس د خبر له مخې، د روسيې د ولسمشر مطبوعاتي سکريتر دميتري پيسکوف د نومبر په ۲۰مه نېټه وويل چې که امريکا د منځني واټن بالستيک توغنديو له تړون څخه ووځي، ستراتيژيکي توازن به خراب شي. که امريکا دغه نظر بدل نه کړي، روسيه به د نړيوالو ستراتيژيو د توازن ساتلو لپاره تدبيرونه ونيسي.

د روسيي ټوډی ټلويزيون په شلمه نېټه د پيسکوف په قول وويل چې د روسيې ولسمشر ولاديمير پوتين په ۱۹مه نېټه دا تائيد کړی چې که امريکا د منځني واټن بالستيک توغنديو له تړون څخه ووځي، روسيه به ورته ځوابي تدبير غوره کړي. پيسکوف وويل چې د روسيې تدبير د خپل هېواد د امنيت او ګټو تامينولو په موخه دی، خو د تدبير مشخص محتويات نه دي ويل شوي.

پيسکوف زياته کړه چې روسيه لا هم غواړي د دغه تړون په هکله له امريکا سره خبرې اترې وکړي.

ژباړونکې:ډيوه