 |
||
 |
||
 |
||
|
||
|
||
|
||
|
||
|
د سينهوا اژانس د خبر له مخې، د ايران د انقلابي ګارډ د هوايي ځواکونو قوماندان امير علي حاجي زاده د ډسمبر په ۱۱ مه نېټه د دې خبر پخلی وکړ چې ايران پدې وروستيو کې يو باليستيک توغندی ازمويلی دی.
د ايران خبري تلويزيون د ډسمبر په ۱۱ مه نېټه د نوموړي قوماندان په قول وويل چې د ايران لپاره دغه ازموينه ډېره مهمه ده او ايران به د باليستيک توغنديو ازمويلو ته دوام ورکړي. ايران پلان لري چې هر کال څه باندې ۵۰ ځلې باليستيک توغندي ازمويي. خو نوموړي په دا ځل ازموينه کې د توغندي د توغولو مزل او د سرګولولو په اړه مفصيل معلومات نه دي ورکړي.
د امريکا د بهرنيو چارو وزير مايک پامپيو د ډسمبر په لومړۍ نېټه وويل، چې ايران پدې وروستيو کې يو منځنی واټن ويشتوننکی باليستيک توغندی توغولی او د دغه هېواد دا کړنه د م م د امنيت شورا له اړوند پرېکړه ليک څخه سرغړونه ده. ورپسې ايران د امريکا دغه وينا رد کړه او ويې ويل چې د امنيت شورا پرېکړه ليک د ايران د باليستيک توغنديو پرمختګ نه محدودوي.(زرينه)
| © China Radio International.CRI. All Rights Reserved. 16A Shijingshan Road, Beijing, China. 100040 |
