عراق او امریکا په دې اړه مشوره وکړه چې امریکا له سوریې څخه خپل ځواکونه وباسي

عراق او امریکا په دې اړه مشوره وکړه چې امریکا له سوریې څخه خپل ځواکونه وباسي

د سین هوا اژانس د خبر له مخې د عراق د صدراعظم مطبوعاتي دفتر د روانې میاشتې په ۲۲ نیټه د یوې اعلامیې په خپرولو سره وویل چې صدراعظم عادل المهدي د امریکا د بهرنیو چارو له وزیر مایک پامپیو سره تلېفوني خبرې وکړې چې له سوریې نه د امریکایي ځواکونو د ایستلو په اړه یې خبرې وکړې. پامپیو وویل چې امریکا به په عراق کې د داعش پر ضد مبارزې ته دوام ورکړي.

په یاده اعلامیه کې همدارنګه ویل شوې چې پامپیو د امریکايي ځواکونو د ایستلو په تفصیلاتو باندې رڼا اچولې ده. پامپیو د عراق حکومت ستاینه هم وکړه چې د ملي امنیت د ساتلو او د نورو هېوادونو په کورنیو چارو کې د لاس نه وهلو په اړه یې هلې ځلې کړې دي.

مهدي وویل چې د سوریې امنیت او له سوریې سره سیاسي هوکړه د عراق او سیمې له امنیت او ارامتیا سره مستقیم تړاو لري.

د امریکا د سپینې ماڼۍ په ۱۹ نیټه وویل چې په دې حال کې چې په سوریه کې د داعش پر ضد مبارزه لاسته راوړنې لري نو امریکا به له دې هېواد څخه خپل ځواکونه وباسي.