 |
||
 |
||
 |
||
|
||
|
||
|
||
|
||
|
د سين هوا اژانس د خبر له مخې، د امريکا د بهرنيو چارو وزارت د جنورۍ په ۲۱مه نېټه وويل، د امريکا خارجه وزير مايک پومپيو يوه ورځ مخکې په جلا جلا توګه د جاپان او کوريا جمهوريت د بهرنيو چارو له وزيرانو تارو کونو او کانګ کيونګ وا سره ټلفوني خبرې وکړې او د کوريا د ديموکراتيک ولسي جمهوريت د مسئلې په اړه يې بحث وکړ.
د امريکا د بهرنيو چارو وزارت مرستيال وياند روبيرټ پلادينو د جنورۍ په ۲۱مه نېټه د يوې اعلاميې په خپرولو سره وويل، پومپيو له ديموکراتيکې کوريا سره د تماس نيولو د راتلونکي پلان په هکله له تارو کونو سره بحث وکړ. پومپيو له کانګ کيونګ سره په ټلفوني خبرو کې د امريکا او ديموکراتيکې کوريا، د کوريا جمهوريت او ديموکراتيکې کوريا ترمنځ د تماس نيولو حالت بيان کړ.
د امريکا ولسمشر ډونالډ ټرمپ د جنورۍ په ۱۸مه نېټه په سپينې ماڼۍ کې د ديموکراتيکې کوريا د رون دونګ ګوند د مرکزي کميسيون له مرستيال مشر کيم يونګ چول سره وکتل. ور پسې سپينې ماڼۍ اعلان وکړ چې د امريکا او ديموکراتيکې کوريا د مشرانو ترمنځ د دوهم ځل کتنه به په راتلونکې فبرورۍ کې ترسره شي. (هيله)
| © China Radio International.CRI. All Rights Reserved. 16A Shijingshan Road, Beijing, China. 100040 |
