د چين نړيوالې راډيو د خبر له مخې، د چين د کارګرو عمومي ټولنې د ښځينه کارکوونکو په وياړ او په نوې زمانه کې دوی د ښې کاري بڼې د څرګندولو په پار د فبرورۍ په ۲۶مه نېټه په بېجينګ کې د غوره ښځينه کاري ډلو او شخصيتونو د ستاينې غونډه تر سره کړه.
د چين په تای يوان کې د اورګاډي ادارې په ګډون ۱۰ ډلو د مې د لومړۍ ورځې په نامه د غوره ښځو د ملي جايزې اعزازي سندونه او د مېرمنې ليو هونګ په ګډون ۱۰ شخصيتونو د يادې جايزې مډالونه تر لاسه کړل.
د چين د کارګرانو عمومي ټولنې د لومړي ځل لپاره په ۲۰۰۵ کال کې يادې جايزې او مډالونه ورکړي او تر هغه وروسته په هرو دوو کلونو کې يو ځل د ستاينې غونډه تر سره کوي. تر ۲۰۱۹ کال پورې يې ۹۱۰۳ غوره ښځينه کاري ډلو او ۱۵۹۷۷ غوره ښځو ته يادې جايزې ورکړې دي.
(ليلا)
© China Radio International.CRI. All Rights Reserved. 16A Shijingshan Road, Beijing, China. 100040 |