د سينهوا اژانس د خبر له مخې، د افغان طالبانو وياند ذبيح الله مجاهد د مارچ په درېيمه نېټه وويل، په دوحه کې د امريکا او افغان طالبانو تر منځ د خبرو اترو په نوي دور کې مهمې لاسته راوړنې نه دي تر لاسه شوې او اوس هم خبرې اترې روانې دي.
د افغانستان د پژواک اژانس د خبر له مخې، مجاهد د مارچ په درېيمه نېټه د يوې اعلاميې په خپرولو سره وويل، اړوندې مسئلې ډېرې حساسې دي، خبرې اترې په احتياطي ډول تر سره کېږي. له افغانستان څخه د بهرنيو ځواکونو د وتلو او له افغان خاورې څخه نورو هېوادونو ته د خطر نه رسولو په باب مشخص بحث روان دی. دواړو خواوو تر اوسه پورې د کوم تړون په لاسليکولو موافقه نده کړې. (شکريه)
© China Radio International.CRI. All Rights Reserved. 16A Shijingshan Road, Beijing, China. 100040 |