شي جين پينګ: که په چين کې بې وزليتوب په پوره توګه له منځه يووړل نه شي، خو زموږ کوښښونه به دوام ولري

ګان سو ولايت په چين کې يو بېلګيز بې وزله ولايت دی. په دې ځای کې د بې وزليو وګړيو شمېر زيات دی، طبيعي شرايط يې سخت دي او د بې وزليتوب د له منځه وړلو په برخه کې يې ستونزې لويې دي. شي جين پينګ د چين کمونېست ګوند د مرکزي کمېټې د عمومي منشي په توګه له ټاکل کېدو نه وروسته د لومړي پسرلني جشن له رارسېدو مخکې په ځانګړې توګه د ګان سو ولايت په غرنيو کليو کې له بې وزليو بزګرانو څخه د حال احوال پوښتنه وکړه. شي جين پينګ د مارچ د اوومې نېټې په ماسپښين د چين د ملي ولسي کانګرس د ګان سو ولايت د هئيت په ناسته کې ګډون وکړ او د بې وزليتوب له منځه وړل د چين د عالي مشر په توګه د ده او د دغه هئيت د استازو ترمنځ د بحث مطلب و.

له ۲۰۱۶م کال څخه تر اوسه پورې، په دغه ولايت کې د بې وزليو وګړيو شمېر له ۲ ملیونو ۵ لکو او ۶۰ زرو څخه يو مليون ته کم شوی دی او د بې وزليو وګړيو په هر سر منځني عايدات ۵۳۹۰ يوانو ته رسېدلي دي.

شي جين پينګ په دغه ناسته کې وويل، ياد کارونه په ښه توګه تر سره شوي دي. د بې وزليتوب د له منځه وړلو موخه او دنده دا ده چې تر ۲۰۲۰م کال پورې بې وزليتوب په پوره توګه له منځه يووړل شي. اوسمهال ډېر کليدي وخت دی او د يادې موخې د تر سره کولو تر نهايي وخت پورې يوازې دوه کاله پاتې دي. موږ بايد په پر له پسې توګه ښه کار وکړو او بايد له بې وزليتوب سره د مقابله کولو او د برياليتوب د تر لاسه کولو لپاره هڅې وکړو.

شي جين پينګ د بې وزليتوب د له منځه وړلو په برخه کې له ګان سو ولايت څخه پنځه فقيره ييزه غوښتنه وکړه: پر باور دې ټينګار وشي، پر موخې دې ټينګار وشي، اداري قوت دې قوي شي، مسؤليت دې په جدي توګه تر سره شي او د کار سبک دې ښه شي.

د شي جين پينګ په اند، د بې وزليتوب د له منځه وړلو معيارونه داسې دي: بې وزله وګړي بايد د خوراکونو او جامو په برخو کې ستونزې و نه لري او بايد د اجباري ښوونې، بنسټيزو طبي بيمو او د استوګنې د ضمانت په چوکاټ کې شامل شي. هغه خبرداری ورکړ چې د بې وزليتوب د له منځه وړلو کارونه بايد د رښتيايي حالاتو له مخې تر سره شي او بايد مساعد معيار وټاکل شي چې ډېر لوړ او ټيټ بايد نه وي.

شي جين پينګ د ګان سو ولايت استازو ته وويل، چې د بې وزليتوب د له منځه وړلو د کارونو لپاره بايد په سمه لاره ګام پورته کړو او کاري پايلې بايد د تاريخ له ازموينې څخه ووځي. هغه دې ته اشاره وکړه چې موږ بايد د بې وزليتوب د له منځه وړلو په کليدي وخت کې مؤثر تدبيرونه ونيسو او بايد د دروغي او ناراست عمل د مخنيوي په هکله له تاريخ څخه تجربې واخلو.

د ګان سو ولايت استازي تانګ شياو مينګ په دغه ناسته کې وويل چې د عمومي منشي شي جين پينګ د وينا له اوريدو نه وروسته باور مو ټينګ شوی دی. د ګان سو ولايت د نورو ښارونو په پرتله په دينګ شي ښار کې د بې وزليو وګړيو شمېر ډېر زيات دی او د بې وزليتوب د له منځه وړلو په اړه دنده يې ډېره سخته ده. شي جين پينګ د ۲۰۱۳م کال د پسرلني جشن د رارسېدو په وخت کې د دينګ شي ښار په کلیوالو سيمو کې له بې وزليو وګړيو څخه د حال احوال پوښتنه وکړه. د چين کمونېست ګوند د دينګ شي ښاري کمېټې منشي تانګ شياو مينګ په ياده ناسته کې شي جين پينګ ته وويل، په تېرو شپږو کلونو کې په دغه ښار کې د بې وزليو وګړيو شمېر کابو شپږ لکه کم شوی دی. په يوان ګوو دوي کلي کې چې د ۲۰۱۳م کال د پسرلني جشن مخکې شي جين پينګ له دغه کلي څخه ليدنه کړې وه، بې وزليتوب په پوره توګه له منځه وړل شوی دی.

شي جين پينګ وويل، موږ بايد د بې وزليتوب د له منځه وړلو په کارونو کې د خلکو د پاملرنې وړ مسئلو ته په ډېره درنه سترګه وګورو او بايد د ستونزو د ليرې کولو او د کاري کيفيت د لوړتيا لپاره هڅې وکړو. استازي تانک شیاو مينګ په دې اړه وويل، له يوې خوا، عمومي منشي شي جين پينګ په خپلو خبرو کې اړوندو چارواکو ته خبرداری ورکړی چې د بې وزليتوب د له منځه وړلو په بهير کې بايد د ځېنو تېروتنو د مخنيوي لپاره هڅې وکړي. له بلې خوا، د نوموړي له خبرو څخه څرګندېږي چې د چين کمونېست ګوند د بې وزليتوب د له منځه وړلو په کارونو کې د دروغي عمل د مخنيوي لپاره ټينګ هوډ لري.