د سين هوا اژانس د خبر له مخې، د امريکا د عدليې وزير ويليم بار د مارچ په ۲۴مه نېټه د کانګرس د مشرانو او استازو جرګو په عدلي کمېټه کې د جمهوريت غوښتونکي ګوند او ديموکرات ګوند مشرانو ته پيغامونه وليږل او پکې يې وويل چې د ځانګړي څارنوال روبيرټ مويلير په پلټنه کې په ۲۰۱۶ کال کې د امريکا د ولسمشريزو ټاکنو په بهير کې له روسيې سره د ټرمپ د انتخاباتي ډلې د همکارۍ شواهد نه دي پيدا شوي. نو ځانګړي څارنوال په دې اړه کومې نتيجې ته نه دی رسېدلی چې ايا ټرمپ له عدالت څخه سرغړونه کړې که نه. د امريکا د عدليې وزارت د تحقيقاتو نتيجه دا ده چې له عدالت څخه د سرغړونې په اړه پر ولسمشر ډونالډ ټرمپ تور کافي شاهد نه لري. (هيله)
© China Radio International.CRI. All Rights Reserved. 16A Shijingshan Road, Beijing, China. 100040 |