د سين هوااژانس د خبر له مخې، د امريکا د بهرنيو چارو وزير ميک پومپيو د مې په ۷مه نېټه د عراق له بغداد څخه ناڅاپي ليدنه وکړه او د دغه هېواد له حکومت څخه يې غوښتنه وکړه چې د ايران له ګواښونو سره مقابله وکړي او په عراق کې د امريکا ګټې تامين کړي.
هغه جرمني ته ټاکلي سفر لغوه کړ او په ناڅاپي توګه يې له عراق څخه څلورو ساعته ليدنه وکړه. په دې هکله پومپيو وويل، د ايران پوځ خپل نظامي فعاليتونه لوړوي او په نژدې راتلونکې کې د بريدونو دقيق ګواښونه لري.
نوموړي د عراق له ولسمشر برهم صالح او صدراعظم عادل عبدل مهدي سره له ليدنو وروسته وويل، د عراق ولسمشر او صدراعظم دواړو ژمنه کړې چې په عراق کې د امريکا د ګټو ساتل د دوی مسئوليت دي.
ژباړونکې:ډېوه
© China Radio International.CRI. All Rights Reserved. 16A Shijingshan Road, Beijing, China. 100040 |