 |
||
 |
||
 |
||
|
||
|
||
|
||
|
||
|
د سين هوا اژانس د خبر له مخې، د چين د مکاو په ځانګړې اداري سيمه کې د ۵مې دورې اجرائيوي مشر د ټاکلو لپاره د نوماندانو د نوم ليکنې کارونه د جولای په ۸مه نېټه پيل شول او تر ۲۳مې نېټې پورې به دوام ولري. ښاغلی هه يي چنګ چې وړاندې يې د تقنيني کمېټې له غړيتوب څخه لاس اخيستی او د يادې کمېټې د رئيس له دندې يې استعفا کړې، د همدې ورځې تر غرمې وروسته د اجرائيوي مشر د ټاکلو لپاره د نوماندۍ يو فرم لاسته راوړ.
د مکاو د بنسټيز قانون په رڼا کې د دغې ځانګړې اداري سيمې اجرائيوي مشر د يو پراخ استازيتوب لرونکې کمېټې لخوا ټاکل کېږي او د چين مرکزي حکومت په دې اړه رسمي حکم ورکوي. د مکاو د ځانګړې اداري سيمې د اجرائيوي مشر د ټاکلو کمېټې د غړيو ټاکنه د جون په ۱۶مه نېټه تر سره شوې ده. د اړوندو مقرراتو له مخې دغه کمېټه دې ۴۰۰ غړي ولري چې تر اوسه پورې ۳۹۹ غړي انتخاب شوي دي.
( سپوږمۍ)
| © China Radio International.CRI. All Rights Reserved. 16A Shijingshan Road, Beijing, China. 100040 |
