 |
||
 |
||
 |
||
|
||
|
||
|
||
|
||
|
د سينهوا اژانس د خبر له مخې، د بريتانيا پوليس د جولای په ۱۲مه نېټه وويل، چې په رسمي ډول به د امريکا حکومت په باب په دې هېواد کې د بريتانيا سفير کيم داروچ د محرمو اسنادو د افشا کولو په اړه پلټنه پيل کړي.
د بريتانيا پوليسو په همدې ورځ د يوې اعلاميې په خپرولو سره وويل، د يادې پېښې له امله د بريتانيا بهرنۍ اړيکې زيانمنې شوې دي او بايد هغه کس ته قانوني سزا ورکړي چې محرمو اسناد يې فاش کړي دي.
د بريتانيا يو شمېر رسنيو د روانې مياشتې په ۷مه نېټه د دې هېواد حکومت ته د داروچ يادښت او تلګراف خپاره کړل چې پکې داروچ ويلي چې د امريکا حکومت په ښه توګه روان نه دی، پيشګويي نه شي کېدای او توان يې ښه نه دی. تر دې وروسته د امريکا ولسمشر ډونالډ ترمپ وويل چې په راتلونکې کې به له داروچ سره همکاري او اړيکې و نه لري.
داروچ په ۱۰مه نېټه د بريتانيا د بهرنيو چارو وزارت ته پيغام ولېږه او له خپلې دندې لېرې شو.
(فرشته)
| © China Radio International.CRI. All Rights Reserved. 16A Shijingshan Road, Beijing, China. 100040 |
