 |
||
 |
||
 |
||
|
||
|
||
|
||
|
||
|
د سينهوا اژانس د خبر له مخې، د کوريا ديموکراتيک ولسي جمهوريت د بهرنيو چارو لومړۍ مرستيالې وزيرې چوی سون هوی د اګست په ۳۱مه نېټه وويل، د دې هېواد او امريکا ترمنځ د ډيالوګ د بيا تر سره کېدو امکان کميږي. د امريکا د ځينو کړنو له امله دغه هېواد مجبور دی چې پر خپلو اوسنيو ټولو تدبيرونو له سره کتنه وکړي.
نوموړي په همدې ورځ د يوې اعلاميې په خپرولو سره وويل، د امريکا د بهرنيو چارو وزير مايک پومپيو د اګست په ۲۷مه نېټه نامسئولانه خبرې وکړې چې د کوريا ديموکراتيک ولسي جمهوريت توهين يې کړی.
پومپيو په ۲۷مه نېټه د امريکا په انديانا ايالت کې د امريکا د متقاعدو سرتېرو د ټولنې په يو فعاليت کې وويل، چې امريکا د کوريا ديموکراتيک ولسي جمهوريت د سپين سترګو کړنو باندې سترګې نه شي پټولی.
(فرشته)
| © China Radio International.CRI. All Rights Reserved. 16A Shijingshan Road, Beijing, China. 100040 |
