د پاکستان د اطلاعاتو وزيرې فردوس عشق عوان د اکتوبر په لومړۍ نېټه د چين د مرکزي راډيو او تلويزيون عمومي سټېشن له خبريالانو سره په مرکه کې د چين ولسي جمهوريت د جوړېدو د ۷۰مې کليزې د بريالي رسم ګذشت په مناسبت دغه هېواد ته مبارکي وويله. نوموړې وويل چې په تېرو ۷۰ کلونو کې د چين د پرمختګ جريان له دې رسم ګذشت څخه په پوره توګه ښکاره شو. هغې زياته کړه چې چيني ملت د کوښښونو له لارې ډول ډول ننګونې او ستونزې له منځه ووړلي او د اقتصاد، ملي دفاع او علمي تکنالوژۍ په برخو کې يې برياليتوبونه تر لاسه کړي دي، همدارنګه چين د نړۍ ځواکمن هېواد ګرځېدلی دی.
فردوس وويل، چې د چين د ملګري په توګه پر دغه هېواد وياړم. پاکستان له چين سره ګډې ګټې لري. که چين لا ځواکمن وي، پاکستان به احساس ولري چې خپل ځان ځواکمن کړي.
(ياسمين)
© China Radio International.CRI. All Rights Reserved. 16A Shijingshan Road, Beijing, China. 100040 |