د چين د مرکزي راډيو او ټلويزيون عمومي سټېشن د خبر له مخې، پر ځايي وخت د اکتوبر په ۲مه نېټه د سوريې مسئلې په اړه د م م ځانګړي استازي ګير پيډيرسين په ژنيو کې په يوه خبري ناسته کې هيله څرګنده کړه چې د اساسي قانون د کمېټې تر هڅو لاندې به د سوريې مسئله حل شي.
نوموړي په همدې ورځ په دغه ناسته کې وويل، چې اساسي قانون به په سوريه کې د مختلفو ډلو ترمنځ د توپيرونو د له منځه وړلو او د سوريې د سياسي بهير د پياوړتيا لپاره ګټور وي. نوموړي دې ته اشاره وکړه چې د يادې کمېټې جوړول د نوي اساسي قانون د ټاکلو لپاره د مختلفو ډلو د يووالي د ټينګښت لپاره ښه فرصت دی او دا به د سوريايانو د هيلو د پلې کولو لپاره ګټوره وي. (غوټۍ)
© China Radio International.CRI. All Rights Reserved. 16A Shijingshan Road, Beijing, China. 100040 |