(په نوې زمانه کې چين او نړۍ) تر عنوان لاندې نړيوال سيمينار ترسره شو

(په نوې زمانه کې چين او نړۍ) تر عنوان لاندې نړيوال سيمينار ترسره شو

(په نوې زمانه کې چين او نړۍ ) تر عنوان لاندې نړيوال سيمينار د دسمبر په ۱۶مه نېټه په بېجينګ کې ترسره شو. د پولنډ، پورتګال، قرغزستان او مصر په شمول د ځينو هېوادونو سياستوالو، سفيرانو، کارپوهانو او د تصديو استازو په دغه سيمينار کې د نوي چين د جوړېدو له اوياوو کلونو راهيسې د پرمختګ بهير، د چين د ابادۍ نړيوال ارزښت او د انسانانو د ګډ برخليک ټولنې او د نړيوالې ادارې د راتلونکې په شمول د يو شمېر موضوعاتو په هکله سلامشورې وکړې.

د چين د کمونېست ګوند د مرکزي کمېټې د مطبوعاتي او نشراتي څانګې مرستيال او د دولتي شورا د مطبوعاتي دفتر مشر شو لين په خپله وينا کې وويل، د نوي چين د جوړېدو له اوياوو کلونو راپدې خوا چين له نړۍ سره پيوستون کړی، له نړۍ څخه يې زده کړه کړې او نړۍ ته يې ډېر خدمتونه هم کړي. د چين پرمختګ اوس نوې مرحلې ته رسېدلی او د چين راتلونکی پرمختګ په تېره بيا د چين او نړۍ ترمنځ د اړيکو راتلونکی لوری د نړيوالې ټولنې د زياتې پاملرنې وړ دی. هغه په دې اړه وويل

((چين به پر دې ټينګار وکړي چې له نورو هېوادونو سره د ګډو ګټو پر بنسټ همکاري وکړي او ګډ پرمختګ ومومي. چين به د اقتصاد د نړيوال کېدو بهير وهڅوي او د بېوزلۍ د له منځه وړلو په چارو کې به فعال خدمتونه وکړي. اوس په نړۍ کې د بې ثباتۍ عوامل موجود دي، نو چين به په دوامداره توګه له څواړخيزم څخه کلک ملاتړ وکړي، نړيوال مساوات اوعدالت به وساتي او د نړيوالو اړيکو د ديموکراتيک کېدو، قانوني کېدو او مساواتو د هڅولو لپاره به کوښښونه ترسره کړي. ))

د چين حکومت د روان کال په سپتمبر مياشت کې په نوې زمانه کې د چين او نړۍ په نوم سپين کتاب خپور کړ او په لومړي ځل يې په هراړخيزه او سيستماتيکه توګه د چين او نړۍ ترمنځ اړيکې بيانې کړې. د پولنډ پخواني مرستيال لومړي وزير ګرزيګورز کولودکو وويل، دغه سپين کتاب د واقعيتونو له مخې د نړۍ لپاره د چين د پرمختګ فعال ارزښت بيان کړی دی. چين بايد په نوې زمانه کې په نړيواله صحنه کې لا زيات مسئوليت پر غاړه واخلي. هغه وويل

((چين به د نړۍ صبر لرونکی پرمختګ پرمخبوزي، فکر کوم چې چين بايد د نړيوال اقتصاد د برابر پرمختګ او د نړيوال بانک، نړيوال وجهي صندوق او د سوداګرۍ د نړيوال سازمان په شمول د مهمو نړيوالو موسئسو اصلاحات وهڅوي. د امريکا نامسئولانه عمل د نړيوال سوداګريز سازمان ثبات ته ګواښ رسولی دی، زما په اند، موږ بايد په راتلونکي کې چين ته لا زيات باور او اعتماد ورکړو. ))

چين تل د ګډو ګټو پر بنسټ له نورو هېوادونو سره همکارۍ ترسره کړې او د پرانيستې لا نوره لوړه سويه لرونکې پاليسې يې غوره کړې چې بېلا بېلو هېوادونو ته د چين د پرمختګ له برياليتوب څخه د ګټه اخيستلو فرصتونه يې برابر کړي دي. د سويس د اې بي بي شرکت (ABB) مرستيال مشر سيودور سويدجيمارک وويل، د دوی شرکت د چين د پرمختګ يو شاهد دی او په دې بهير کې يې خدمتونه کړي او ترې يې ګټې هم اخيستې دي. په چين کې د دغه شرکت عمومي پانګونې له ۱۷ مليارډو يوانو څخه اوښتې دي. هغه وويل

((چين د پرانيستې د لا ژورې پاليسۍ په رڼا کې ډېر تجارتي فرصتونه پيدا شول. زموږ شرکت د يو کمربند او يوې لارې په وړانديز کې د ګډونوالو په لومړۍ ډله کې شامل و او په وروستيو کلونو کې مو له څه باندې څلور سوو چيني شرکتونو سره د يو کمربند او يوې لارې په اوږدو کې د پرتو هېوادونو په اوياوو سيمو کې همکارۍ ترسره کړې چې د اړوندو پروژو لپاره تخنيکي ملاتړ او د ستونزو د حل لايحې وړاندې کوو. ))

چين له امريکا سره څو ورځې مخکې د اقتصاد او سوداګرۍ د لومړې دورې تړون لاسليک کړ. په دغه سيمينار کې ګډونوالو دا څرګنده کړه چې د چين او امريکا ترمنځ دغه تجارتي تړون به پر نړيوال اقتصاد فعاله اغېزه وکړي.