د م م سرمنشی چين ته د پسرلني اختر مبارکي وويله

د چين د پسرلني اختر د رسېدو په درشل کې د م م سرمنشي انتونيو ګوټريس د جنورۍ په ۲۲مه نېټه په ويډيو کې د دې اختر په مناسبت د مبارکۍ پيغام خپور کړ.

ګوټريس په ياده ويډيو کې په چيني او انګليسي ژبه دا جمله (( پسرلنی اختر مو مبارک شه!)) ويلې ده.

نوموړي ويلي، ۲۰۲۰ کال د م م د جوړېدوله ۷۵مې کليزې سره برابر دی او هم د دوامدار پرمختګ د لس کلن پلان لومړی کال دی، دوامدار پرمختګ له خلکو او نړۍ څخه هيله لري چې د نړيوالو ستونزو د حل او د ټولو خلکو د ښه راتلونکي د جوړولو لپاره دې ګډې هڅې وکړي.

نوموړي په دغه ويډيويي پيغام کې له م م او څواړخيزتوب څخه د چين او چيني خلکو له ملاتړ څخه هم مننه کړې ده.

(فرشته)