د مارچ په ۱۴ مه نېټه د چين په ستره برخه کې د ناول کرونا ويروس پر ساري ناروغۍ د نويو اخته شوو کسانو شمېر ۲۰ تنه و

د چين د روغتيا ملي کمېټې د خبر له مخې، د مارچ د ۱۴ مې نېټې له صفر بجې څخه تر څلورويشتو بجو پورې، د چين په ستره برخه کې د ناول کرونا ويروس له امله پر ساري ناروغۍ د نويو اخته شوو کسانو شمېر ۲۰ و، ۱۰ تنه مړه شوي او د نويو شکمنو کسانو شمېر ۳۹ تنه و. په همدې ورځ پر ناول کرونا ويروس ۱۳۷۰ تنه اخته ناروغانو درملنه بشپړه شوې او روغ شوي او له روغتونونو څخه رخصت شوي دي.

د روانې مياشتې د ۱۴ مې نېټې له صفر بجې څخه تر څلورويشتو بجو پورې، ۱۶ تنه د چين څخه بهر پر دغې ناروغۍ اخته شوي او بيا چين ته د داخلېدلو په حال کې پيدا شوي. د همدې ورځې تر څلورويشتو بجو پورې د داسې اخته کسانو شمېر ۱۱۱ تنه و.

د روانې مياشتې د ۱۴ مې نېټې تر څلورويشتو بجو پورې د چين په ستره برخه کې پر دغې ناروغۍ د اخته شويو کسانو عمومي شمېر ۸۰۸۴۴ ته رسېدلی، اوسمهال ۱۱۳ شکمنې پېښې موجودې دي، ۶۶۹۱۱ تنه له دغې ناروغۍ څخه روغ شوي، ۳۱۹۹ تنه له دې امله مړه شوي او ۱۰۱۸۹ تنه له ناروغانو سره نژدې تماس لرونکي د طبي څارنې په حال کې دي.

(مينه)