د G20 د کارګرو وزيرانو ځانګړې ويډيويي غونډه د اپريل د ۲۳مې نيټې په ماښام پای ته ورسيده. په غونډه کې د يوې اعلاميې په خپرېدو سره ويل شوي چې د کوويد-۱۹ ويروس ساري ناروغۍ په ټوله نړۍ کې تر ټولو لويه ننګونه ده او د بېلا بېلو هېوادونو تر منځ ګډو همکاريو ته اړتيا لري. د دغې ډلې د کارګرو او کارونو څانګې به په مداومه توګه له نورو هېوادونو سره همکارۍ وکړي او هراړخيز اغيزمن تدبيرونه به طرح او عملي کړي تر څو په بېلا بېلو هېوادونو کې د کار پر بازارونو د ساري ناروغۍ منفي اغيزې کمې کړي.
په اعلاميه کې ويل شوي چې د بېلا بېلو هېوادونو کارګران د ساري ناروغۍ د خپرېدو په حال کې د بېکاري له خطرونو سره مخ دي. دغه ډله به تر وسې پورې دغه حالت کې ښه والی راولي او په دوامداره توګه له نورو هېوادونو سره هراړخيزې همکارۍ وکړي.
