 |
||
 |
||
 |
||
|
||
|
||
|
||
|
||
|
د چين حکومت به په روان کال کې د خلکو د کار او استخدام ته لومړيتوب ورکړي، د بېوزلۍ د له منځه وړلو په برخه کې به برياليتوب ومومي او د نسبتاً هراړخيزې شتمنې ټولنې د جوړولو موخې ته د رسېدو لپاره به تر وسې پورې کوښښونه وکړي.
د مۍ په ۲۲مه نېټه د چين د ملي ولسي کانګرس د دايمي کمېټې په کلنۍ غونډه کې په حکومتي کاري راپور کې دا موخه ټاکل شوې چې سږ کال به په ښارونو او ولسواليو کې پر دندو د تازه ګومارل شويو کسانو شمېر نهه ميليونه وي او د بې کارۍ انډول به تر ۶ سلنې پورې کنترول شي.
د کوويد-۱۹ ناروغۍ تر منفي اغېزې لاندې د چين پرمختګ له ډېرو ناثابتو عواملو سره مخ دی، نو په ياد راپور کې د ۲۰۲۰ کال لپاره د اقتصادي پرمختګ د زياتوالي مشخصه موخه نه ده وړاندې شوې، خو پکې پر دې ټينګار شوی چې اقتصادي روانېدل له عمومي حالاتو سره تړاو لري، موږ بايد له ننګونو سره د مقابلې او د اقتصادي پرمختګ د ساتنې لپاره د اصلاحاتو او ورخلاصون نظر په نيولو سره يوه اغېزمنه لاره ولټوو. (هيله)
| © China Radio International.CRI. All Rights Reserved. 16A Shijingshan Road, Beijing, China. 100040 |
