د سينهوا اژانس د خبر له مخې، د روغتيا نړيوال سازمان د مې په ۲۵مه نېټه يو لړ تازه شميرې خپرې کړې چې له مخې يې له چين پرته په نوره نړۍ کې پر کوويد ۱۹ د ټولټال ۵۲۲۰۲۳۶ تنو اخته کېدل تشخيص شوي دي.
د روغتيا نړيوال سازمان د ورځني رپوټ له مخې، د منځنۍ اروپا پر وخت د ۲۵مې نېټې د سهار تر ۱۰ بجو له چين پرته په نړۍ کې پر کوويد ۱۹ د اخته شويو کسانو شمېر د تېرې ورځې په پرتله ۱۰۰۲۵۳ زيات شوی چې عمومي شمېر يې ۵۲۲۰۲۳۶ ته رسېدلی دی. دغه راز د دغه ويروس له امله د مړو شويو کسانو شمېر د تېرې ورځې په نسبت ۴۳۴۲ زيات شوی چې ۳۳۷۳۸۴ ته رسېدلی دی. (شکريه)
