چين او اروپايي ټولنه: په روان کال کې به د پانګونې تړون د لاسليک لپاره هڅې وکړي

د چين صدراعظم لي که چيانګ، د اروپايي شورا رئيس چارليس ميشل او د اروپايي ټولنې رئيس ونديرلېين د جون په ۲۲ مه نېټه په ګډه سره د چين او اروپايي ټولنې د مشرانو د غونډې مشري وکړه. په دغه غونډه کې د دواړو خواوو مشرانو موافقه وکړه چې په روان کال کې به د پانګونې تړون د لاسليک لپاره هڅې وکړي او په ټول توان به د عادلانه سيالۍ د اصولو په اړه هوکړه وکړي.