د افغانستان امنيتي ځواکونو په پوځي عملياتو کې ۶۴ وسله وال ووژل

د سينهوا اژانس د خبر له مخې، د افغانستان يو حکومتي چارواکي د جون په ۲۸مه نېټه وويل، د دغه هېواد امنيتي ځواکونو په دې وروستيو ۲ ورځو کې په څو ځايونو کې پوځي عمليات تر سره کړي او پکې يې ۶۴ وسله وال وژلي دي.

د غزني ولايت وياند د جون په ۲۸مه نېټه د دې خبر پخلی وکړ چې د امنيتي ځواکونو جنګي الوتکو په همدې ورځ د دې ولايت په ده يک ولسوالي کې د طالبانو پر يوې غونډې هوايي بريد وکړ چې ۱۰ وسله وال وژل شوي او ۶ تنه نور ټپيان شوي دي.

امنيتي ځواکونو په همدې ورځ د يوې اعلاميې په خپرولو سره وويل، طالبانو په پکتيا ولايت کې د امنيتي ځواکونو په يوې پوستې بريد وکړ او ورپسې امنيتي ځواکونو پر دوی ځوابي پوځي عمليات تر سره کړل چې پکې يې ۱۳ وسله وال ووژل.

برسيره پر دې، امنيتي ځواکونو په پکتيکا ولايت کې ۷ وسله وال ووژل. (شکريه)