ځينو استراليايي سياستوالو څو څو ځلې له چين سره مخالفت کړی.

له يوې مودې راهيسې ځينو استراليايي سياستوالو څو څو ځلې له چين سره مخالفت څرګند کړی او ډېرې احمتقانه خبرې يې کړې دي.

څو ورځې دمخه د استراليا لسګونه تنه استخباراتي کارکوونکي د نوي جنوبي وېلس ايالت د پارلمان غړي شاوکويټ موسېلماني کور ته ننوتل او له چين سره د ده د ځانګړو اړيکو د درلودلو شواهدو د پيدا کولو غوښتنه يې وکړه. ځکه چې ښاغلی شاوکويټ موسېلماني څو ځلې چين ته تللی دی او له چين سره يې تل د مهربانۍ رويه ساتلې ده. د روان کال په مارچ کې هغه يوه ليکنه خپره کړه چې پکې يې د کوويد ۱۹ د کنټرول او مخنيوي په موخه د چين د شويو کوښښونو ستاينه کړې ده. په داسې حال کې ځينو استراليايي سياستوالو له چين سره د ځانګړو او پټو اړيکو د ټينګولو په اړه پر ده تور لګولی دی.

دغه پېښه يوازې د هغو استراليايي سياستوالو له يو لړ هغو بدو کړنو څخه يوه ده چې د چين په وړاندې تل د ټينګ مخالفت رويه څرګندوي. دوی د کوويد ۱۹ د کنټرول او مخنيوي په اړه د چين پر شويو اقداماتو سترګې پټوي او په استراليا کې د چين د نفوذ کولو خطر اعلانوي.

خو برعکس په دې ورځو کې د چين پر ضد د استراليا ځينې جاسوسي فعاليتونه بربنډ شوي دي. د خبر له مخې، د تېرې پېړۍ د ۹مې لسيزې په پيل کې په بېجينګ کې د استراليا د سفارت په نژدې هر پوړ کې په پټه د غوږ نيولو زيات شمېر سامان الات ايښودل شوي وو. استراليايي سياستوالو په دې اړه هېڅ ځواب نه دی ورکړی. نو څوک په رښتيا سره د نورو هېوادونو د ملي امنيت لپاره ګواښ پېښوي؟