د کوويد ۱۹ پر وړاندې د روانې مبارزې په بهير کې د نامتو طبي کارکوونکو ستاينغونډه د بېجينګ د خلکو په لوی تالار کې تر سره شوه.د چين د دولت رئيس شي جين پينګ دغو طبي کارکوونکو او لقب تر لاسه کوونکو ته نښانونه ور کړل او يوه مهمه وينا يې وکړه. رئيس شي جين پينګ په خپلو خبرو کې په شلو چيني کليمو د کوويد ۱۹ پر وړاندې د مبارزې روحيه بيان کړه او ويې ويل چې د چين حکومت د خلکو خونديتوب او ژوند ته لومړيتوب ور کوي،چينايان يووالی ساتي،چيني ډاکترانو د دې ويروس پر وړاندې په روانه مبارزه کې خپل ژوند ته پاملرنه ونه کړه خو ساينس ته يې درناوی وکړ،چين د انسانانو د ګډ برخيک ټولنې افکار غوره کوي.
