په دې وروستيو ورځو کې امريکايي چارواکو د بيان ازادۍ په پلمه پر چين باندې تور لګولی دی. په دې اړه د چين د بهرنيو چارو وزارت وياند جاو لي جيان د سپتمبر په نهمه نېټه وويل چې د امريکا د ځينو سياستوالو او چارواکو په وينا تش په نوم بيان ازادي په حقيقت کې پر خبريالانو د تور لګولو پلمه ده .له دې څخه د دوه ګونې معيارونو د غوره کولو او د بادارۍ لټولو لپاره د دغو سياستوالو طبيعت ښکاري.
د خبر له مخې د امريکا د بهرنيو چارو وزارت وياند مورګن اورتاګوس د سپتمبر په اتمه نېټه پر خپلې ټويټر پاڼې کې ليکلي چې له څو کلونو راهيسې د امريکا د بهرنيو چارو وزارت د چين د قانع کولو لپاره هڅه کړې چې دغه هېواد ته د امريکايي خبريالانو د بېرته راتګ اجازه ورکړي او د امريکا خبري رسنيو ته د عادي کارونو د تر لاسه کولو ازادي ور کړي.د دې ترڅنګ چين بايد د بهرنيو خبريالانو په مقابل کې تهديد بند کړي.
په دې هکله نوموړي وويل چې پر چين د امريکا دغه نيوکه بې بنسټه ده او دغو سياستوالو پر حقيقت سترګې پټې کړې دي.
© China Radio International.CRI. All Rights Reserved. 16A Shijingshan Road, Beijing, China. 100040 |