دوه سوه او نهه شپېته مليونه بزګران به د ښارونو او ښارګوټيو له لازياتو عامه خدمتونو څخه برخمن وي

بزګري کارګر نه يوازې د يوه توليدونکي هېواد په توګه د چين يو مهم ځواک بلل کيږي بلکی د چين د ښارونو او علاقه داريو او د ټولنې د پرمختګ لپاره هم مهم قوت دی .په ٢٠١٣ کال کې په چين کې د بزګرانو شمېر دوه سوه او نهه شپېته مليونو تنو ته رسيدلی چې له دې جملې څخه د مزدوری لپاره ښارونو ته د تلوونکيو بزګري کارګرو شمېر يو سل او شپږ شپېته مليونه وه .په دې وروستيو ورځو کې د چين حکومت اړوندې څانګې وويل چې بزګران به د استوګنې شرايطو او د ماشومانو د زده کړې په شمول له لازياتو عامو خدمتونو څخه برخمن شي .

د مزدوری لپاره ښارونو ته د تلوونکيو بزګرانو پرمخ د کورونو مسئله د دوی تر ټولو لويه ستونزه بلل کيږي . د ګڼ شمېر بزګرانو عايدات ډېر لږ دی ، نو د استوګنې شرايط يې هم خراب دي .د چين د کورونو او ښارونو او علاقه داريو د ابادې وزارت د کورونو د ضمانت د څانګې مرستيال جانګ شيو چين وويل چې د دغو بزګرو د استوګنې ستونزې د ليری کولو لپاره عمومی اصول دا دي چې يوه خوا به حکومت له خپلو اړتياوو سره سم په بازار کې په کرايه توګه د کورونو د اخيستلو په برخه کې د دوي وهڅوي او بله خوا بايد د حکومت او تصديو مسئوليت هم پياوړی شي تر څو دوی ته ضمانت لرونکي کورونه برابر شي .هغه زياته کړه چې په راتلونکي کې به د چين حکومت په لاندي برخو کې خپل کارونه پياوړې کړي.هغه وويل (اواز..............)تر هر څه لومړی د اړوندو ښارونو ښاروالی بايد خپل نظر بدل کړي او د ښارونو او علاقه داريو د ابادې د پلانولو په تېره بيا د کورونو د جوړولو د پلان جوړولو پرمهال د بزګري کارګرو اړتياوې تر غور لاندې ونيسي ،دغه راز د ضمانت لرونکو کورونو جوړونه بايد پياوړې شي او د دغو کارګرو د استوګنې د سيمولپاره دې شاوخوا چاپيريال او د بنسټيزو تاسيساتو شرايط ښه شي د بېلګي په توګه د د ښوونې او طب په شمول ټولنيز عامه خدمتونه بايد ور ته ښه شي.

د کورونو سربېره په ښارونو کې د دغو کارګرو د ماشومانو د ښوونې مسئله هم د دوي د پاملرنې وړ مسئله ده.د ٢٠١٣ کال تر پايه پورې د بزګرانو د هغو ماشومانو شمېر چې د چين د نهه کلنې اجباري زده کړې په پړاو کې دي ، دوولس مليونه او اووه لکه او اويا زره تنو ته رسيدلي چې د عمومی شمېر په سلو کې نهه اعشاريه دری برخه يې نيولې ده. له دې جملې څخه يې اتيا سلنه ماشومان په حکومتي ښوونځيو کې زده کړه کوي ،خو په منځنيو او لوړو ښوونځيو کې د دوي د منل کېدو لپاره په ښارونو کې د دوي د زده کړې لپاره د امتحان مسئله لاهم نه ده حل شوې .د يوې شمېرنې له مخې تېر کال يوازې څه باندې څلور زرو ماشومانو په دی امتحان کې ګډون درلود.په دی هکله د چين د ښوونې وزارت د بنسټيزې ښوونې څانګې مرستيال که وي وويل (اواز.........) ٢٠١٣ کال يو مهم کال و ،ځکه چې په دوولسو ښارونو او ولايتونو کې د غريبو بزګرو ماشومانو له خپلو ټاټوبيو پرته نورو ښارونو کې هم د لوړو ښوونځيو له خوا د منل کېدو په امتحان کې برخه واخيسته .که څه هم د برخه والو شمېر زيات نه و، خو اهميت يې ډېر مهم و.په ٢٠١٤ کال کې به په دېرشو ولايتونو او ښارونو کې همدغه مسئله هم حل شي .

سربېره پردې په ښارونو کې د بزګرانو طبي مسئله هم د پاملرنې وړ ده.د خبر له مخې په هغو ښارونو کې چې بزګري کارګران د مزدوری لپاره پاتی دي،د دوي د طبي درملنې لګښت د حسابولو مسئلې د حل و فصل لپاره اړوندې څانګې هم تدبيرونه نيولي دي .د روغتيا او ولادت کميټې د اړوندې څانګې مشر وانګ چيان وويل (اواز.......) د چين د کليوالو سيمو د نوی ډول همکاريز نظام معلوماتي ډګر د نهو ولايتونو او ځينو لويو روغتونونو سره اړيکې ټينګې کړې تر څو په ښارونو کې د بزګرانو د طبي درملنې د لګښت د حسابولو لپاره ښه زمينه برابره شي.