 |
باغونه يا بڼونه
د چين بڼونه ډير لرغوني تاريخ او په نړۍ کي ډير شهرت لري . درې زره کاله دمخه د جو په سلسله کي امپراطوري بڼ جوړ شو او ورپسي دچين په پايتختونو او مشهور ښارونو کي ډول ډول بڼونه جوړ شوي دي چه د چين بڼونه د نړۍ د باغونو له دريو سيستمونو څخه ځلاند مقام لري .
د چين بڼونه د امپراطوري او شخصې بڼونو څخه عبارت دي چه د ونو ، چمنونو ، انګړونو ، دهليزونو، مصنوعي ډبرو او جهيلونو ترتيبات ډير برابر او مناسب دي چه منظرې يي ډيرې دلچسپې او په زړه پوري دي .
د سو جو بڼونه
د سو جو لرغوني بڼونه چه دوه زره کاله تاريخ لري او په نولس سوه اوه نويم کال کي د نړيوالو ميراثونو په ليست کي شامل شوي ، د چين د بڼونو د جوړولو د هنري خصوصيت مترمرکزه نمونه ده او تر اوسه پوري لس مشهور بڼونه موجود دي .
تصوير：د سو جو بڼونه
د يون مين يون بڼ
د بيجينګ د يون مين يون بڼ په چين کي تر ټولو مشهور امپراطوري باغ دی او د چين د بيلا بيلو ځايونو د باغونو د هنر ښکارندوي دی او برخه ايزې ودانۍ يي د لويديځ ساختماني سبک لمخې جوړې شوي وې ، خو دغه مشهور امپراطوري باغ په اتلس سوه شپيتم کال کي د انګريزي او فرانسوي تيري کوونکو لخوا وسوزول شو او بقاياوي لا تر اوسه پاتي دي . د دغه بقاياوو نه پرته د باغ ځيني برخې اعادي شويدي . د يون مين يو باغ بقاياوي د شمال لويديځ چين په اطراف کي دي او د چينګ په سلسله کي د امپراطورانو د پنځو سياحي باغونو څخه ډير لوي باغ و او مساحت يي له درو سوو اوه څلويښتو هيکتارو زمکوڅخه اوښتي دي . يون مين يون باغ نه يوازي په هغه وخت کي د پايتخت نه په بهر کي د امپراطور د موقتي اقامت ډير ښکلي بڼ او ماڼۍ وې ، بلکي د مبلغانو د پيغامونو او راپورونو له لاري يي په اروپا کي ډير شهرت موندلي او په اتلسمه پيړۍ کي يي د اروپا د طبيعي منظرلرونکي باغونو په پرمختګ باندي تر يوې اندازې پوري اغيزه اچولي وه .
|
