د غلامۍ د  نظام د پای ته رسيدو نه وروسته چه د څه پاسه  ٢ زرو کالو دپاره يی دوام درلود، د ميلاد نه دمخه په ٢٢١ م کال کښی د چين په تاريخی ټولنه کښی لومړنی واحد هيواد او د مرکزی قدرت  فيوډالی دولت  چه ( چينګ ) نوميده رامنخ ته شو٠  د چينګ نومی دولت منځ ته راتګ د چين د تاريخ دپاره خورا مهم اهميت لری ٠ د ميلاد نه دمخه له ٢٥٥ م کال نه د ميلاد دمخه تر ٢٢٢ م کاله پوری دغه ٣٣ کاله د چين په تاريخ کښی د  ملکونو ترمنځ جنګی دوره وه او هم د چين د غلامۍ د ټولنی وروستنی دوره  بلله کيده ٠ په هغه زمانه کښی د زياتو وړوکو ملکونو تر منځ د مرګ او ژوند  بی شميره خونړی جګړی رامنځته  شوی چه په اخر کښی د ( چينګ )، ( چی )، ( چو )، ( وی )، ( ايان )، ( هان ) او ( جاو ) ٧ نسبتاٌ  پياوړی ملکونه پاتی شوی ؤ ٠ د ( چينګ ) ملک چه د هيواد په شمال لويديځ کښی واقع  و  تر نورو نه مخکښی يی په نظامی او زراعتی اصلاحاتو لاس پوری کړ  نو دولتی طاقت يی په بيړه سره  پياوړتيا موندلی وه  ٠ د ميلاد دمخه په ٢٤٧ م کال کښی د ( اين جنګ ) نومی ١٣ کلن شهزاده   په  تخت  کيښناست ٠  کله چه دده عمر ٢٢ کالو ته ورسيد   په خپل لاس يی  دولتی چاری اداری کولی ٠ هغه سمدستی  د نورو ٦ ملکونو په الحاقولو سره د يوه واحد هيواد د جوړولو په باب لويه نقشه وټاکله او ددی باعظمته ستراتيژی د ترسره کولودپاره يی نه ستومانه کيدونکی هلی ځلی وکړی ٠ هغه تر ممکنی حدی پوری په راز راز نيرنګونو سره د نورو هيوادونو بااستعداده کسان راجلب کړل ٠ او هر چا  چه کومه پوهه او يا  فن  درلود  همهغه کارته به ګمارل کيده  ٠ مثلاء هغه د( هان ) ملک

دجاسوس جنګ ګوه ) څخه په ښی استفادی سره  د جنګ ګوه نومی وياله جوړه کړه ، په نتيجه کښی څه دپاسه ٤٠ زره هکتاره ښوره ناکه او قليايی مځکه په حاصله خيزه مځکه بدله شوه چه دا د ګرد هيواد د وحدت دپاره يی پوره مادی زمينی برابری کړی وی  ٠ د ميلاد د مخه له ٢٣٠ کاله څخه  په وروستيو کمو لسو کالو کښی ( اين جنګ ) په وار سره د ( هان )، ( جاو) ،( وی )، ( ايان )، ( چو ) او ( چی ) ٦ ملکونه له منځه يووړل او په دی توګه يی  په تاريخ کښی د هيواد د تجزيی وضع پای ته ورسوله او د ( چينګ ) په نامه يو واحد او په مرکزی قدرت  لوی امپراطوری دولت يی ټينګ کړ ٠ څرنګه چه ( اين جنګ ) د چين په تاريخ کښی لومړنی امپراطور و ، نو هغه ته د ( شه هوانګ ) لقب  ورکړ ٠ د ( چينګ ) ملک له خوا دګرد هيواد يووالی کول  د چين په تاريخ کښی يو خورا غټ خدمت بلل کيږی او خورا زيات اهميت  لری  ٠ لومړی ، په سياسی ساحه کښی امپراطور( چينګ شه هوانګ ) د شهزاده ګانو او اشرافانو له خوا د شخصی مسلط قلمرو د ويشلو  په باب پخوانی نظام چه  دکورنيو غړو له خوا يی په ميراث چلول کيدل  لغوه کړ او  د ولايت او ولسوالۍ په درجه يی د مرکزی حکومت له خوا د مستقيمو اداری سيمو د جوړيدو په باب نوی نظام  جوړ کړ ٠ او ددی نظام سره سم ګرد هيواد  د ولايت په درجه په ٣٦ اداری سيمو وويشل شو ٠   تر ولايت  لاندی  ولسوالی وه ٠  د مرکزی حکومت او محلی سيمو مامورين ټول د امپراطور له خوا  مقرر يا برطرف شول ٠ او  د مامورينو کورنيو غړو داسی امتياز نه درلود چه ددوی  ماموريت په ميراث واخلی   ٠ د ولايت او ولسوالی د ټاکلو په باب دغه نظام د چين په څه دپاسه ٢ زره کلنه  فيوډالی ټولنه کښی د امپراطورانو له خوا د منلووړ نظام ګرځيدلی دی ٠ اوحتی تر اوسه پوری په هيواد کښی  يو زيات شمير د ولسواليو

 نومونه  د( چينګ ) په امپراطوری دوره کښی ټاکل شوی ؤ ٠ د هيواد د وحدت په سترو داعيو کښی دامپراطور ( چينګ شه هوانګ ) يو بل خدمت د ليک دود وحدت  ؤ ٠ د هيواد د وحدت نه مخکښی بيلا بيلو ملکونو خپل ليک دود درلود ٠ که څه هم د دغو ليک دودونو منبع مشترکه وه  او په ليکنو کښی زيات لوي توپير نه پيدا کيده خو د ملکونو تر منځ  د فرهنګی خپريدو  او تبادلو مخه لا هم نيوله شوی وه ٠ د( چينګ ) له خوا د هيواد د وحدت نه وروسته دا ټاکل شوی وه چه يوازی د چينګ اصلی  ليک دود د لوی سلطنت په چوکاټ کښی د يوازنی ملی ليک دود په حيث استعماليده ٠  وروسته له دی د چين  ملی ليک دود  د هغی امپراطوری دوری د ليک دود پر بنسټ پرمختګ او پراختيا موندلی وه  چه دا د چين د تاريخ د جوړيدو او کلتوری ميراث دپاره بی حده ارزښت درلود ٠ علاوه په دی امپراطور( چينګ شه هوانګ ) هم د ګرد هيواد په چوکاټ کښی د اندازی کولو واحد معيارونه  وټاکل ٠د هيواد د وحدت نه مخکښی د اشرافو په بيلا بيلو قلمرو کښی د اوږدوالی ، حجم او د وزن د اندازه کولو يونټونه بيلا بيل ؤ چه  په سخته توګه يی د اقتصادی انکشافاتو مخه نيولی وه ٠ دغه شان امپراطور ( چينګ شه هوانګ ) هم د پخوانيو بيلا بيلو ملکونو د پيسو او قوانينو وحدت هم ترسره کړی و چه داسی ټولو د ګرد هيواد د اقتصادی پرمختګ دپاره مساعدی زمينی برابری کړی وی او  په قوی توګه يی د مرکزی رژيم مقام ټينګ او پياوړی کړی و ٠ دغه امپراطور ددی دپاره چه   د خلکو پر فکرونو او ذهنونو باندی خپل مستبد تسلط  مضبوط کړی  دميلاد نه دمخه په ٢١٣ م کال کښی يی امر وکړ چه بی د پخوانی ( چينګ ) ملک د تاريخچی نه  د پخوانيو اشرافو د ملکونو ټولی تاريخچی او د کانفيوسيالستی دوکتورين  ټول قيمتی اثار

دی وسوځول  شی ٠او حتی هغه کسان چه داسی اثار او تاريخچی يی په پټ ډول ساتلی بی له دريغه دی ووژل شی ٠ په عين وخت کښی د شمالی قبايلو د تيری د مخنيوۍ دپاره ( چينګ شه هوانګ ) امر وکړ چه د هيواد د وحدت نه مخکښی د( چينګ ) ، ( جاو ) او ( ايان ) په شمول د پخوانيو ملکونو له خوا جوړ شوی جنګی ديوالونه ترميم  او سره  ونښلول شی  چه له دی امله  د هيواد د لويديځ له  صحرا څخه د ختيځ تر سمندری سواحلو پوری لوی او اوږد ديوال  جوړ شو ٠علاوه په دی ( چينګ شه هوانګ ) د ٧ لکو خلکو د انسانی قواوو په راټولولو سره په لويو مصارفو د ځان دپاره د( لی شان ) په غرونو کښی  يوه باعظمته هديره جوړه کړه او دغه هديره سم  په اوسنی زمانه کښی کشف شوی  او  د عسکرو ، اٌسونو او ګاډيو  خاورينی مجسمی د فرعی  هديری په توګه پکښی شاملی وی چه  دواړه د نړۍ د کلتوری ميراثونو په لست کښی درج  شوی دی ٠ د امپراطور ( چينګ شه هوانګ )  له خوا د هيواد د وحدت  له برکته د چين هغه تاريخ چه د اوږدی مودی دپاره د هيواد د تجزيی او د المناکو جګړو په لويو غمونو او کړاونو کښی لويېدلی و  پای ته ورسيد  او  د ( هان ) قوم په عمده موجوديت د زياتو  ملی اقليتونو په شمول يو قوي لوی فيوډالی سلطنت راټينګ شو او وروسته له دی د چين په تاريخ کښی  يوه نوی پاڼه پرانستله شوه ٠