د چين د څو زرو کالو په لرغونې ادبي تاريخ  کي ډير زيات شاعران ، ډرامه ليکوونکي او ليکوالان پيدا شول ، خو داسي اديبان کم ليدل کيدل چه ډرامه او داستان  ليکونکي ،  دايرکتر او د ډرامې تيوريست هم و . لي يو ددوي څخه وشميرل شو . لي يو په شپاړس سوه لسم کال کي د چين د مين په سلسله کي وزيږيد او کله چه هغه ديرش کلن و ، سخته ټولنيزه تزلزله او نارامي پيل شوه څو چه هغه مړ شو .

  د نورو زياتو مشاهيرانو په شان لي يو هم په سلطتني ازموينه کي ناکام شو او په خپل کور کي يي د کتاب پلورنځي جوړ کړ او په عين وخت کي يي د ډرامي په ليکلو پوخت و .  د خپل ژوند په موده کي دده تر ټولو ستر خدمت د ډرامو ليکنه او څيړنه وه چه تر اوسه پوري پاتي شوي لس ډرامې يي لا هم په تياترونو کي نمايش کوي  چه ټولې د مينې په باب خوندورې ډرامې دي او دغه ډرامې د زيات شمير خلکو لخوا د تود هرکلي وړ وې او جاپان او د جنوب ختيخې اسيا نورو هيوادونو ته هم خپرې شوې  . هغه د ډرامو د تاليف په عين وخت کي هيات هم جوړ کړ او د دغو ډرامو د دايرکتر او هنرمند په توګه رول يي ولوباوه . په هغه وخت کي هنرمندان په ټولنه کي ټيټ مقام درلود ، خو لي يو لا هم د هيات په مشرۍ د هيواد  په لسګونو ولايتونو کي د شلو کالو دپاره ګرځنده نمايشونه اجرا کړل .

د اوږدې مودې د نندارو له امله لي يو د ډرامو د تاليف  ، لارښوونې او نندارې او د رول د انتخاب  په ساحو کي ډيرې تجربې راغونډې کړې  او  د خپلو  تجربو په جمع کولو سره يي د ډرامو د تيوري په باب يو کتاب وليکه چه نوم يي په فارغ وخت کي ياددشت دی  . علاوه پردې لي يو  يو مشهور ليکوال هم و او زيات شمير اوږد او لنډ داستانونه يي وليکل .