په يوه اصطلاح کښی ويل شوی دی چه   سره زر طبعاُ  ځليږی ٠ او په چين کښی يوه اصطلاح ده چه وايی ، ( ماو شوی ) مشر ته خپل ځان معرفی کوی  ٠

کيسه يی داسی ده : د چين په لرغونی جنګی دوره کښی د ( جاو ) د ملک پايتخت ( خان دان ) د غښلی ( چين ) د ملک د پوځيانو له خوا سخت کلابند شوی ؤ ٠ او حالات يی ډير خطرناک ؤ ٠ له دغو خطرناکو حالاتو څخه د ( خان دان ) د ژغورلو دپاره د ( جاو ) پاچا دا نيت درلود چه د ( چو ) له لوی ملک سره اتحاد جوړ کړی  ترڅو په ګډه سره د ( چين ) د ملک سره مقابله وکړی ٠ نو هغه  شهزاده ( پينګ يوان جوين ) د خپل استازی په توګه د ( چو ) ملک ته واستاوه ٠

شهزاده ( پينګ يوان جوين ) وغوښتل چه د خپل کور له  څو زروتنو دايمی ميلمنو څخه د شلو تنو زړه ورو او هوښيارو مشاورينو په ملګرتيا  يو ځای د ( چو ) ملک ته لاړشی ٠ خو هغه يوازی د ١٩ تنو څخه رضا مندی کړی وه  ٠ په دی وخت کښی يو  ميلمه چه ( ماو شوی ) نوميده ، د ( پينګ يوان جوين ) مخ ته ورغی  او هيله يی ور ته څرګنده کړه چه  ور سره يو ځای د ( چو ) ملک ته لاړشی ٠

شهزاده ( پينګ يوان جوين ) د ( ماو شوی ) پر لياقت او عقل باندی پوره عقيده نه درلوده ٠ خو ( ماو شوی ) په باوری توګه ور ته وويل چه که تاسی لاپخوا ما ته توجه کړی وای  ، نو زما خاص استعداد او هوښياری به لا پخوا تاسو ته  څرګنده  وای ٠

د خبرو په بهير کښی شهزاده ( پينګ يوان جوين ) پوه شو چه ( ماو شوی ) يو تکړه سړی دی او  پوخ لياقت  او د خپل وطن سره ډيره مينه لری ،  نو دده  غوښتنه يی ومنله  ٠  په دی توګه ( پينګ يوان جوين )  د خپلو ٢٠ تنو مشاورينو په ملګرتيا سره د( چو ) ملک ته ورسيد ٠ ( پينګ يوان جوين ) د ( چو ) د ملک له پاچا سره په خبرو اترو کښی د دواړو ملکونو تر منځ د يوه اتحاد د جوړولو په هکله ضرورت او ارزښت بيان کړ او د ( چو ) د پاچا څخه يی غوښتنه وکړه چه ژر ژر دی د عسکرو په ليږلوسره د ( جاو ) د ملک مرکز ( خان دان ) ته نجات ورکړی ٠ خو د ( چو ) پاچا هيڅ ځواب ورنه کړ ٠ ددوی تر منځ خبرو اترو له سهار نه تر غرمی پوری دوام درلود ، خو کومه نتيجه ترلاسه  نه شوه  ٠ د ( پينګ يوان جوين ) ٢٠ تنو ملګرو په بهر ميدان کښی  نور صبر و نه شو زغملی او زړونه يی ډير تنګ شول او هاخوا دی خوا ګرځيدل٠ څرنګه چه ( ماو شوی ) پخپله د راتګ غوښتنه کړی وه ،  نو نورو ١٩ تنو ملګرو  ور ته په سپکه سترګه کتل ٠  دوی وليدل چه ( ماو شوی ) هم ددوی په منځ کښی ولاړ دی ،  نو هغه ته يی بلنه ورکړه چه تاسی کوټی ته لاړشی او و به ګوری د خبرو اترو نتيجه څرنګه ده ٠ نو ( ماو شوی ) خپله توره  په ملا کلکه وتړله او د ( چو ) پاچا مخ ته لاړ ٠ او پاچا ته يی وويل چه د ( چو )  او( جاو ) تر منځ د اتحاد د جوړولو په باب ضرورت او ارزښت څرګند دی  او هر څوک ور باندی ښه پوهيږی ٠ خو له سهار نه تر اوسه پوری تاسی په دی باب کومه نتيجه ترلاسه نه ده کړی ،  علت يی څه دی ؟

د ( چو ) پاچا وليدل چه ( ماو شوی ) بی له اجازی نه پخپله ماڼی ته داخل شوی دی  ،  نو  ډير په قهر شو او  ور ته يی وويل چه اوس زه ستا له خاوند سره خبری کوم ٠ ستا يی څه ! ولی زمونږ په خبرو کښی لاس وهی ٠ ( ماو شوی ) د ( چو ) د پاچا له تکبر څخه  په غصی شو ٠ هغه له خپلی ملا څخه تيزه توره راپورته کړه ، د پاچا مخی ته يی ځان نژدی کړ او په لوړ اواز يی ورته وويل چه عزتمن پاچا  !  تاسی ځکه په غرور سره   ما بې عزته کوی ، علت يی دا دی چه  د( چو ) ملک يو غښتلی ملک دی او اوس ستاسو په ماڼۍ کښی زيات درباری عسکر ولاړ دی ٠ خو  زه تاسو ته وايم چه اوس  د ١٠ قدمونو په ساحه  کښی  ستاسو عسکر برابر شوی نه دی ،  نو ستاسی ژوند او مرګ زما له خوا  فيصله کيږی ٠ که څه هم ستاسی هيواد لوی دی ٠

د ( چو) پاچا د وارخطايی له امله خولی يی له مخی  تويئدی  او غلی ناست ؤ ٠ ( ماو شوی ) بيا وويل چه د ( چو ) ملک يو لوی ملک دی  ٠ نو بايد لوی مرام ولری چه  پر ټولو باندی باداری مقام ټينګ کړی ٠ خو اوس زه پوه شوم چه  تاسی  د ( چين ) له ملک څخه ډير ويريږی ٠ د ( چين ) ملک څو واره د( چو ) پر ملک باندی تيری کړی او د ( چو)  زياتی خاوری يی اشغالی کړی دی ٠  دا ستاسو دپاره دومره لوی شرم دی !  او مونږ هم  تاسو  شرموو  ٠ اوس مونږ ستاسو سره د اتحاد د جوړلو دپاره راغلی يو ٠ په ظاهره کښی دا د ( خان دان ) د ژغورلو دپاره دی ٠ خو  په عين وخت کښی هم د ( چين ) د ملک څخه د ( چو ) د ملک د انتقام اخستلو سره ګټور دی  ٠ دا زما له اټکل نه بهر دی چه  تاسی د ( چين ) له ملک څخه دومره زيات ويريږی ٠  ته يو څرنګه پاچا يی ؟

د ( ماو شوی ) د خبرو د اوريدو نه وروسته د( چو ) پاچا هيڅ خبری و نه کړی ٠ نو د دواړو ملکونو تر منځ داتحاد د جوړولو په باب د ( جاو ) د ملک  پيشنهاد يی ومانه ٠

د ( چو ) او ( جاو ) د ملکونو تر منځ  د اتحاد د جوړولو په هکله د مواقفه نامی د لاسليک نه وروسته شهزاده ( پينګ يوان جيون ) بيرته ( خان دان ) ته ستون شو او د( جاو ) د ملک پاچا ته يی وويل چه په دی سفر کسی ښاغلی ( ماو شوی ) زيات ښه خدمتونه کړی دی او دده خوله د مليونونو تنو عسکرو څخه هم غښتلی ده ٠

٣ ورځو نه وروسته د ( ماو شوی ) نوم د ( خان دان ) په ښار کښی د ټولو زړو وړو له خوا وپيژندل شو ٠ او له دی کيسی څخه يوه اصطلاح  هم جوړه شوی ده او ور څخه د هغه سړی ستاينه کيږی چه لکه ( ماوشوی ) په جراُت سره نورو ته د ځان په سپارلوسره درنه وظيفه  په غاړه  اخلی