中国国际广播电台
که درواغ او انګازه د نورو له خوا وار په واره خپره شی ، نو
معمولی خلک به دغه انګازه په
حقيقت ومنی ٠ په چينايی ادب کښی
يوه کيسه چه وايی ٣ تنه ببر
جوړوی په همدی وجه رامنځ ته شوی
ده ٠
د ميلاد نه دمخه په ٥ مه پيړۍ کښی د چين تاريخ د جګړو دوری ته
داخل شو ٠ په هغه زمانه کښی زيات
وړوکی ملکونه موجود ؤ او ددوی تر
منځ د خاورو د نيولو په هکله بی
شميره جګړی راپيښيدی ٠ له دی
امله ټولنی متزلزلی او ګډوډی وی
٠ په دی وجه تاريخ پوهان
نوموړی تاريخی دوره د ملکونو تر
منځ د جګړو دوره بولی ٠
( وي ) او ( جاو ) دوه ګاونډي ملکونه ؤ ٠ ددوی تر منځ يو
دوستانه تړون لاسليک شو ٠ د تړون
د ضمانت دپاره دوو ملکونو تصميم
ونيوه چه يو بل ته يرغمل وروليږی
٠ نو ځکه د( وی ) د ملک پاچا خپل
زوی د يرغمل په توګه د ( جاو )
ملک مرکز ( خان دان ) ته وسپاره ٠
د شهزاده د امنيت دپاره د ( وی )
پاچا وزير ( پانګ چونګ ) هم
وروليږه ، ترڅو هغه يی له زوی سره
ملګرتيا وکړی ٠
( پانګ چونګ ) يو باعقله او تکړه وزير ؤ ٠ خو په حکومت کښی
ځينی مامورينو ورسره مخالفت کاوه
٠ نو هغه دا انديښنه درلوده چه
دده د وتلو نه وروسته به مخالفين
ور باندی تهمت وکړی ٠ نو هغه د تګ
نه مخکښی پاچا ته وويل چه که يو
سړی ووايی چه يو ببر سړک ته راغلی
دی ، تاسی پر دغو خبرو باندی باور
کوی که نه ؟
پاچا وويل چه زه هيڅ باور نه کوم ٠ ببر څنګه سړک ته تللی شی ؟
( پانګ چونګ ) بيا له پاچا نه پوښتنه وکړه چه که ٢ سړی داسی
خبری وکړی ، نو تاسی به ور باندی
عقيده ولری که نه ؟
پاچا ځواب ورکړ چه که دوه سړی داسی ووايی زه به نيمه عقيده
وکړم ٠
( پانګ چونګ ) بيا پوښتنه وکړه چه که ٣ نفره داسی ووايی ، ايا
تاسی به ور باندی باور وکړی او که
نه ؟
پاچا يو څه ځنډ وکړ او بيا يی ځواب ورکړ : که ټول داسی ووايی
زه به ور باندی عقيده وکړم ٠
( پانګ چونګ ) د پاچا د ځواب په اوريدو سره لا زياته اندپښنه
وکړه او ويی ويل چه تاسی لږ څه
فکر وکړۍ ، ببر په هيڅوجه سرک ته
نه شی تللی ٠ دا د ټولو له خوا د
پوهيدو وړ دی ٠ خو څرنګه چه ٣
نفره ټول داسی وايی چه ببر سړک ته
راغلی دی ، نو دغه جعل کاری به
په واقعيت بدل شوه ٠ اوس د (
جاو ) د ملک د مرکز( خان دان )
او د ( وي ) د ملک د مرکز ( دا
ليانګ ) تر منځ فاصله ستاسو د
شاهی د ماڼی او سړک تر منځ د
فاصلی څخه زياته لری ده ٠ او
زماپه باب د تبصره کولو کسان به
د ٣ نفرو څخه زيات وی ٠
پاچا د ( پانګ چونګ ) پر خبرو باندی ښه پوه شو ، نو ور ته يی
وويل چه زه پوه شوم ٠ ته بايد
دغه انديښنه پريږدی او په ارام
زړه ( خان دان ) ته لاړ شی ٠
نو وزير ( پانګ چونګ ) د شهزاده په ملګرتيا د ( جاو ) د ملک
مرکز ( خان دان ) ته ورسيدل ٠
د ( پانګ چونګ ) د ورتګ نه وروسته زياتو مامورينود پاچا په مخ
کښی پر نوموړی وزير باندی توراو
تهمت وکړ ٠ په پيل کښی پاچا هميشه
د ( پانګو چونګ ) څخه دفاع وکړه
او ويی ويل چه ( پانګ چونګ ) يو
پاک زړه او وفادار وزير دی ٠ خو
له بدمرغه د ( پانګ چونګ )
مخالفينو وار په واره د پاچا په
مخ کښی د ( پانګ چونګ ) څخه شکايت
کاوه او په پای کښی پاچا ددوی
خبری ومنلی ٠ وروسته چه ( پانګ
چونګ ) د ( جاو ) د ملک څخه بيرته
د ( وی ) ملک ته راستون شو ،
پاچا وزير ( پانګ چونګ ) په خپل
حضور کښی ونه مانه او ور سره يی
کتنه هم ونه کړه ٠
يوه بله کيسه هم داسی ده ٠ په هغه زمانه کښی د ( ځنګ څان ) په
نامه يو پوه سړی ؤ چه د اخلاقو
په برخه کښی يی هيڅ نمګړتيا نه
درلوده ٠ يوه ورځ ( ځنګ څان ) د
يوه کار دپاره بهر ته لاړ ٠ خو په
دی وخت کښی يو سړی چه هم( ځنګ څان
) نوميده د نور د وژنی په جرم
ونيول شو ٠ ګاونډی يی د ( ځنګ
څان ) مور ته وويل چه ستا زوی د
نور د وژنی په جرم ونيول شو ٠ د (
ځنګ څان ) مور پر زوی باندی ټينګ
باور درلود او پر دغو خبرو باندی
يی هيڅ باور ونه کړ چه زوی يی
کوم سړی وژلی دی ٠ لږه شيبه
وروسته يو بل سړی هغی ته بيا وويل
چه ستا زوی يو څوک وژلی دی ٠ دده
مور يو څه ځنډ وکړ ، خو بيا يی
هم ور باندی عقيده نه درلوده ٠ خو
٣م سړی بيا ورغی او ور ته يی وويل
چه ستا زوی يو پلانکی سړی وژلی دی
٠ نو د مور عقيده پوره له منځه
لاړه ٠ او په تلوارسره وتښتيده ٠
اوس دغه اصطلاح چه ٣ نفره ببر
جوړوی ، دا معنی لری چه انګازه د
ويريدو وړ ده او عامه افکار قوی
قوت لری ٠
|