中国国际广播电台
د چين په تاريخ کښی د جګړی داسی مثال ليدل کيږی چه کمزوری قوت
پر غښتلو قواوو باندی غلبه
موندلی وه ٠ په دی جمله کښی د
اور په وسيله د ( چه بی ) په ځای
جګړی تر اوسه په هيواد کښی زيات
شهرت لری او ددی جګړی په باب
زياتی کيسی د خلکو په منځ کښی
خوله په خوله ګرځی ٠
د ميلاد د ٢ می پيړی په پای کښی د چين د ختيځ ( هان ) سلطنتی
حکومت کمزوری شو ٠ او د
ديکتاتورانو تر منځ د اوږدی
مودی د جګړو په پای کښی ( چاوچاو
) د ژيړ سيند په سواحلو ، ( ليو
بۍ ) د هيواد په منځنی سيمه او (
شوين چوان ) د ( يانګ ځی ) د سيند
په لره سيمه کښی خپل تسلط ټينګ
کړ ٠ او د ( چاو چاو ) قواوی تر
نورو نه غښتلی وی ٠ د ميلاد په
٢٠٨ م کال کښی ( چاو چاو ) د خپلو
عسکرو په وړلو سره جنوب ته
لښکرکشۍ وکړه او د ( ليو بۍ )
قوت ته يی ضربت ورساوه او د (
ليو بۍ ) د مهمی نظامی سيمی (
جينګ جو ) زياتره برخه يی ونيوله
٠ ( ليو بۍ ) مجبوراُ ( شياکو )
يعنی د اوسنی ( هو بی ) ولايت د (
هان کو ) ناوی ته په شا لاړ ٠ (
چاوچاو ) وغوښتل چه په يوه ګذار
سره د ( ليو بۍ ) قوت پوپناه کړی
او بيا د ( شوين چوان ) سيمه
الحاقه کړی ٠ په دی اضطراری حالت
کښی ( ليو بۍ ) او ( شوين چوان )
فيصله وکړه چه سره يوه اتحاديه
جوړه کړی ترڅو له ( چاوچاو )
سره ګډه مبارزه وکړی ٠ ( چاوچاو
) د څه دپاسه ٢ لکو تنو عسکرو په
وړلو سره د يانګځی سيند ختيځی
خوا ته مارش وکړ او ( شيا کو ) ته
چه ( ليو بۍ ) په جګړه کښی د
مغلوبيدو نه وروسته دی ځای ته
تښتيدلی ؤ نژدی شو ٠ د( شوين
چوان ) او ( ليو بۍ ) په ٥٠ زرو
تنو عسکرو ګډ پوځ جوړ کړ او د
دښمنانو پر خوا يی مخامخ مارش وکړ
٠ دواړه متحاربی قواوی د ( چه
بی ) يعنی د اوسنی ( هوبی ) ولايت
د ( وو چان ) سيمی په لويديځ کښی
سره وليدلی ٠ څرنګه چه د ( چاو
چاو ) پوځيان د شمال له وچو سيمو
نه راغلی او پخوا يی هميشه پر
مځکو زياتی جګړی کړی وی ، نو دوی
د اوبو سره هيڅ بلديت نه درلود
او د اوبو په جګړه کښی يی کومه
تجربه هم نه درلوده ٠ نو دوی د
جګړی په لومړی مرحله کښی ماتی
وخوړله ٠ او له دی امله ( چاوچاو
) د سيند شمالی غاړی ته بيرته په
شا لاړ ٠ حال دا چه د ( شوين
چوان ) او ( ليو بۍ ) ګډو قواوو د
يانګځی سيند په جنوبی غاړه خپل
ويښتوب وساته ٠ ( چاوچاو ) له
لومړی جګړی نه د عبرت درس واخست
اود دی نظامی مشکلاتو د لری کولو
دپاره يی هغو دوو جنرالانو( چای
ماو ) او ( جانګ يونګ ) ته چه د
( ليو بۍ ) سره د ( جينګ جو) په
جګړه کښی ( چاو چاو) ته تسليم شوی
ؤ ، امر وکړ چه دغه ځمکنی عسکر
په اوبو کښی وروزی ٠ ترڅو دوی د
کښتيو په وسيله پر دښمنانو باندی
غلبه ومومی ٠ په دی توګه د ( چاو
چاو ) عسکرو په اوبو کښی په سختو
تمريناتو پيل وکړ ٠ د( وو ) د ملک
لوی قوماندان ( جو يوو ) ددی خبر
په اوريدو سره دا انديښنه پيدا
کړه چه د ( چاوچاو ) غښتلی مځکنی
پوځيان به په اوبو کښی هم ښه
جګړه وکړی ، نو د ( چاو چاو ) د
طبعيت سره سم يی يوه دسيسه جوړه
کړه څو چه دغه دوه جنرالان د(
چاو چاو ) اعتبار له لاسه ورکړی
٠ په نتيجه کښی ( چاو چاو ) د
جاسوسی فعاليتونو په ګناه دغه
دوه جنرالان ووژل ٠
د ( وو ) د ملک لوی قوماندان ( جو يوو ) د ( ليو بۍ ) د نظامی
مشاور ( جوګه ليانګ ) سره مشوره
وکړه چه د ( چاوچاو ) د غښتلو
مځکنيو قواوو په مقابل کښی بايد د
اور په وسيله د کښتيو جګړه وکړی
٠ نو دوی يو لړ دسيسی جوړی کړی ٠
يوه ورځ ( جو يوو ) خپل جنرالان
مخ ته راوغوښتل او ور څخه يی
غوښتنه وکړه چه مونږ به په کومه
طريقه پر ( چاو چاو ) باندی حمله
وکړو ٠ سابقه دار او سپين ږيری
جنرال ( هوانګ ګای ) ( جو يوو )
ته وويل چه د ( چاو چاو ) قوت ډير
قوی دی ٠ مونږ ور سره مقابله نه
شوکولای ٠ نو بايد ور ته خپل
سرونه ټيت کړو ٠لوی قوماندان (
جو يو ) ډير په قهرشو او امر يی
وکړ چه ( هوانګ ګای ) پر کناټۍ
باندی د لرګۍ په واسطه ٥٠ واره
سخت ووهل شی ٠ سپين ږيری ( هوانګ
ګای ) سخت زخمی شو ٠ هغه په پټ
ډول ( چاو چاو ) ته يو ليک
وروليږه او پکښی يی ور ته د
تسليميدو هيله څرګنده کړه ٠ ورسره
په جوخت ( چاو چاو ) ته د ( جو
يوو ) له پوځ څخه د خپل جاسوس
ليک ورسيد او پکښی يی دا تصديق کړ
چه نامتو تکړه جنرال ( هوانګ ګای
) د ( جو يوو ) له خوا سخت وهل
شوی دی ٠ نو ( چاو چاو ) باور
وکړ چه د ( هوانګ ګای ) خبری جعلی
نه دی ٠ نو ډير خوشحاله شو ٠ په
دی وخت کښی نامتو نظامی پوه (
پانګ تونګ ) د ( چاو چاو ) مخ ته
ورسيد او ( چاو چاو ) ته يی وويل
چه ستاسو عسکران د شمال له وچی
مځکی نه راغلی دی او د اوبو د
جګړی سره بلديت نه لری ٠ نو
تاسی بايد له خپلو ٣٠ او يا ٥٠
لويو او وړوکو کښتيو څخه يوه ډله
جوړه کړی ، په اوسپنيزو
ځينځيرونو دغی کښتۍ سره وتړی او
پر دغو کښتيو باندی دی لرګينی
تختی ټينګی کړی ٠ ترڅو عسکران
لکه پر مځکی باندی په ازاد او
ثابت ډول قدم ووهی ٠ ( چاو چاو
) په خوښۍ سره د ( پانګ تونګ )
پيشنهاد ومانه ٠ يوه مشاور ( چاو
چاو ) ته خپله انديښنه څرګنده
کړه چه که دښمنان د اور په وسيله
زمونږ پرکښتيو باندی حمله وکړی
، حتماُ به مونږ سخته ماتی وخورو
٠ ( چاو چاو) په خندا سره وويل
چه اوس د ژمی فصل دی او دژمۍ په
يخه هوا کښی يوازی د شمال لويديځ
له خوا باد لګيږی ٠ او د جنوب
ختيځ له خوا باد طبعاٌ نه وی او
که دښمنان د اور په وسيله پر
مونږ باندی حمله وکړی ، د شمال
لويديځ باد د چليدو په وجه به
اور ددوی پرخواخپور شی او دوی به
پخپله ماتی وخوری ٠
خو دخلکو د اټکل نه بهره او عجيبه پيښه وشوه چه د يولسمی
مياشتی د ٢٠ م تاريخ په يخه ورځ
کښی د ( يانګ ځی ) د سيند دپاسه
ناڅاپه د جنوب ختيځ باد ولګيده
٠ په حقيقت کښی ( جو ګه ليانګ )
يو نجوم پوه هم ؤ ٠ هغه د هوا
پيژندنی د علم سره سم له ( جو
يوو ) سره يوه دسيسه جوړه کړه ٠
په دی وخت کښی ( چاو چاو ) د (
هوانګ ګای ) يو ليک ترلاسه کړ او
پکښی ليکلی ؤ چه په همدی شپه به
هغه د عسکرواو بيړيو سره د ( چاو
چاو ) کمپ ته ورسيږی ٠ نو ( چاو
چاو ) په ټاکلی وخت کښی د
جنرالانو په ملګرتيا د خپلی
قوماندانۍ د بيړۍ په سر د ( هوانګ
ګای ) د راتګ په انتظارکښی ودريد
٠ لږه شيبه وروسته دوی وليدل چه (
هوانګ ګای ) د څه دپاسه لسو وړوکو
بيړيو سره د ( چاو چاو ) پر خوا
حرکت کوی ٠ ( چاو چاو ) او دده
جنرالان دومره خوشحاله شول چه په
خپلو جامو کښی نه ځايئدل ٠ کله
چه د ( هوانګ ګای ) بيړۍ ( چاو
چاو ) ته نژدی شوی ، ناڅاپه په
بيړيو کښی قوی اور بل شو او دغو
جنګی بيړيو د جنوب ختيځ سخت باد
سره سم په ګړندی سره د چاو چاو
د کښتيو سره ټکر وواهه ٠ او د
سترګو په يوه رپ کښی د ( چاو چاو)
جنګی کښتۍ د اور په سمندر کښی ډوب
شوی ٠ څرنګه چه کښتۍ يی د
ځينځيرونو په وسيله کلکی تړلی وی
نو دوی له دی اورنی مصيبت څخه ځان
نه شو خلاصولای ٠ او د ( چاوچاو )
جنګۍ کښتۍ په سخت اور وسوځيدی او
پوځيان يی د دوو ملکونو د ګډ پوځ
د قوی حملی له امله تيت و پرک
شول او زيات شمير يی په اور او يا
اوبوکښی مړه شول ٠ ( چاو چاو ) د
خپلو جنرالانو په حفاظت سره په
تلوار سره د قوماندانۍ د بيړۍ څخه
د سيند غاړی ته پورته شو ٠ خو د
غلودانو ګدامونه يی هم د ( جو يوو
) د عسکروله خوا په اور وسوځول
شول ٠ په دی توګه د ( چاو چاو )
غښتلی پوځيان پوره ريزمريز شول
او ( چاو چاو) په ډير شرم سره
بيرته شمال ته وتښتيد ٠
د ( چه بی ) په جکړه کښی ( شوين چوان ) او ( ليو بۍ ) پوره او
لوی بری ترلاسه کړ ٠ نو له دی
برکته ( شوين چوان ) د يانګځی
سيند په سواحلو کښی خپل تسلط ښه
ټينګ کړ او ( ليو بۍ ) ددی فرصت
څحه په استفادی سره د ( جينګ جو )
زياتره برخه له ( چاو چاو ) څخه
بيا واخستله ٠ او په دی توګه (
چاو چاو ) ، ( شوين چوان ) او (
ليو بۍ ) دريواړه د چين په ارته
خاوره کښی برابر مقام قايم کړ ٠
د( چه بی ) په ځای کښی ددی اورنی
جګړی په باب زياتی کيسی پاتی شوی
مثلاُ ( هوانګ ګای ) د ( جو يوو )
د سختو وهلو نه وروسته ( چاو چاو
) ته د جعلی تسليم په باب کيسه د
خلکو له خوا د بدنی ظلم د زغملو
په باب دسيسه وبلل شوه ، او (
پانګ تونګ ) اصلاُ د ( جو ګه
ليانګ ) ښه دوست ؤ ٠ د ځنځيرونو
په وسيله د بيړيو د تړلو په باب د
( پانګ تونګ ) پيشنهاد چه په پای
کښی د ( چاو چاو ) پوځيان په دی
اورنی مصيبت کښی ويجاړ شول ، د
خلکو له خوا د کړۍ په کړۍ د
نيرنګ په توګه وبلل شو ٠
|
