中国国际广播电台
د چين په لرغوني تاريخ کي مرکزي حکومت چه د چين په مرکزي سيمو
کي د هان د قوم لخوا جوړ شو، په
شاخواوو کي د ملي اقليتونو د محلي
حکومتونو سره کله نا کله تضادونه
پيښ کړل او د دغو تضادونو د حلولو
دپاره يي هميشه يو د بل سره جګړه
کوله ، خو د حلولو بله لاره يي دا
وه چه د مرکزي حکومت امپراطور د
محلي حکومت مشر ته خپله لور ورکړه
څو چه د جګړي په ځاي سوله رامنځته
شي . وانګ جاو جيون ددوي څخه يوه
وه .
د قبل الميلاد نه مخکي په لومړي پيړۍ کي د چين د هان په سلسله
کي د هيون د قوم حکومت چه د چين
په جنوب لويديځه سيمه کي جوړ شو ،
د سياسي قدرت د کشمکش دپاره د
پنځو قومي مشرانو څخه د دوو
مشرانو لخوا ونيول شو ، خو دوي
دواړه په دي انديښمنه کي وو چه
مقابله خوا د مرکزي حکومت سره
همکاري وکړي . نو د يوه قوم مشر
چه هو هان شيې نوميده ، شخصأ د
هان د سلسلې پايتخت چان ان ښار ته
ورسيد څو چه د هان د سلسلې په
مقابل کي خپله وفاداري څرګنده
کړي ، په چان ان کي د هان
امپراطور دده ښه پذيرايي وکړه او
له چن ان څخه د حرکت په وخت کيي
يي زيات غله جات ورته ورکړل . د
هان د ملاتړ د لاس ته راوړلو له
برکته هغه د هيون سره وحدت وکړ.
د هان د سلسلې سره د دايمي دوستۍ د ټينګولو دپاره هغه د قبل
الميلاد نه مخکي په دري ديرشم
کال کي د دريم ځل دپاره چان ان ته
ورسيد او غوښتنه يي وکړه چه د هان
د امپراطور د شهزاده ګۍ سره واده
وکړي . که څه هم دده غوښتنه د هان
د امپراطور لخوا ومنله شوه ، خو
امپراطور و نه غوښتل چه خپله لور
ور کړي . نو په سلطنتي ماڼۍ کي
له خدمتګارو نجونو څخه يي پوښتنه
وکړه چه څوک غواړي د هيون له مشر
سره واده وکړي . په سلطنتي ماڼۍ
کي خدمتګارې نجونې ټولې د
هيوادوالو څخه انتخاب شوي ښکلي
نجونې وې ، خو کله چه دوي سلسطنتي
ماڼۍ ته داخلې شوې ، أزادي يي له
لاسه ورکړې ، که څه هم دوي ډير
فکر کاوه چه له تړل شوي سلسطنتي
ماڼۍ څخه ووزي ، خو نه غوښتل چه د
هيون د مشر سره د واده دپاره ليري
ځاي ته لاړې شي .
د پخواني مقرراتو لمخې خدمتګارو نجونو به د امپراطور سره د
کتنې اجازه نه درلوده ، خو
امپراطور به د انځور لمخې له دوي
څخه کومه نجلۍ انتخابوله ، نو
خدمتګارو نجونو ددي دپاره چه د
امپراطور لخوا انتخابه شي ، په
ماڼۍ کي انځورګر ته پيسې ورکړې څو
چه په انځور کي خپل صورت ښکلي
وښيي ، مګر يوه ډيره ښکلي ،
هوښياره او درستکاره خدمتګاره
نجلۍ چه وانګ جاو جيون نوميده او
ښه هنري استعدادونه يي درلودل ،
و نه غوښتل چه انځورګر ته رشوت
ورکړي ، نو په انځور کي ددې ښکلا
ښکاره نه شوه او د څو کالو په
موده کي د امپراطور لخوا انتخابه
نه شوه . کله چه نجلۍ وانګ جاو
جيون دا خبر واوريد، د خپلې
نيکمرغۍ او راتلونکي او هم د هان
او هيون د دواړو قومونو ترمنځ د
دوستۍ دپاره يي هيله وکړه چه د
هيون له مشر سره واده
وکړي ، امپراطور ددې خبر په اوريدو سره ډير خوشحاله شو او
پريکړه يي وکړه چه په پايتخت کي
ددوي دپاره د واده درانده مراسم
جوړ کړي .
د هيون مشر هو هان شيې د ښکلي ميرمنې د لاس ته راوړلو نه
وروسته ډير خوشحاله شو او د مننې
د څرګندولو دپاره سلطنتي ماڼۍ
ته ورغلل . کله چه امپراطور د
لومړي ځل دپاره ښکلي وانګ جاو
جيون وليده ، ډير پيښمان شو ، خو
پريکړه يي وکړه ، د نوموړي دپاره
د خپلې لور په شان د هان مشر ته
دروند جهيز ورکړ .
وانګ جاو جيون خپل ټول عمر د
هان او هيون د قومونو ترمنځ د
دوستۍ د ټينګولو دپاره وقف کړ او
اولادونو يي هم په مداومه توګه
دغه کوششونه وکړل . د اوسني داخلي
مغولستان د خودمختارې سيمې د هوهه
هات ښار په اطرافو کي د وانګ جاو
جيون مقبره پرته ده چه د لرغوني
هيون د خلکو لخوا جوړه شوی . د
هيون قوم ته د وانګ جاو جيون د
ليږدونې کيسه د کلونو کلونو
راهيسې د چين په شعرونو ،
اوپراګانو او داستانونو کي ليدل
کيږي .
|