خاورينې ودانۍ هغه ولسي استوګنځي دي چه ديوالونه  يي په خاورو  او ودانۍ يي په خښتو او لرګيو جوړ شويدي  چه دغسي ځانګړي ودانۍ د چين جنوبي ولايت د فو جين ولايت په جنوب لويديځ   کي د که جيا په کليو کي ډيرې ليدل کيږي  ، نو د که جيا د خاورينو  ودانيو په نامه ياديږي .  

   خاورينې ودانۍ ډول ډول ساختماني سبکونه لري ، ځيني يي دايروي ، ځيني يي مستطيل ، ځيني يي بيضوي ، ځيني يي پنځه کونجونه لرونکي  او  نورې ځيني يي ډول ډول  شکلونه لري . دايروي ودانۍ داسي تړل شوي دوه ،  دري  يا څلور پوړيز لسي استوګنځي دي چه د که جيا وګړو لخوا د خپل کلي د دفاع دپاره جوړې شوي دي او بهرني ديوالونه  يي د يو مترو په پلنوالي خاورين ديوالونه دی ، خو ځيني خاوريني ودانۍ دوه ، درې يا څلور حصاري ديوالونه لري . د ودانۍ په انګړ کي يوه څاه  او دروازه  يي يوه ده . د ودانۍ په لانديني پوړ  کي پخلنځي ، په دوهم پوړ کي د غلودانو او زراعتي وسايلو د زيرمې ګدام دی او دريم پوړ يي اوسيدو ځاي دي . په ودانۍ کي دهليزونه خلاص دي او  د کوټې دروازې دهليز ته مخامخې دي .

 خاورين ديوالونه   ډير کلک دی ځکه چه د خاورو د کلکولو تخنيک يي ډير لوړ دی . د خاورينې ودانۍ ډيزاين معقول او زيرکانه دی . په يوه خاورينه وداني کي د يوې کورنۍ غړو ګډ ژوند د کورني منطق ، اصل او نسب او اخلاق د ساتلو دپاره ډير اهميت لري . په عکس کي ليدل شوي  خاورينه ودانۍ د پورتنيو خصوصيتونو ښه څرګندونه کوي  .