((جيا يې  چين ))
中国国际广播电台


(( جيا يې  چين ))  د کوريايی  قوم   له  لرغونی  موسيقی ألو څخه  شميرل کيږی   او د  چين د شمال ختيځ   د جه لين  ولايت  د  يان  بيان  د کوريايی  قوم  په  لويه خودمختاره  ولسوالی کی   زيات  استعماليږی  . ددی موسيقی ألی بهرنی  شکل  د چين د  هان  قوم  د جنګ نومی   لرغونی موسيقی ألی سره  ډير   مشابهت  لری   . په تاريخی  کتابونو کی  داسی  ليکل  شوی چه  تقريبأ  د ٥٠٠ کالو دمخه  په  لرغونی زمانه کی  د کوريا  يعنی  د (( جيا يې  )) ملک   پاچا   د  جنګ  نومی  موسيقی ألی  په  تقليد  سره  يو ډول   نوی  تاريزه اله  جوړه کړه   او ورته   د  کوريايانو لخوا  ((جيا يې  چين  ))  ويل کيده  .

تر ننه  پوری  (( جيا يې  چين ))  يو زر پنځه  سوه کلن  تاريخ  لری  .  په  لرغونی زمانه  کی  (( جيا يی  چين   ))  د  يو تمام  لرګی  پر اساس  جوړ شو  او  وروستی  برخه  يی  د  پسه  د ښکر  په  شان  وه  .  له دی امله  چه    لاندنی  تخته  يی نه  درلوده  ، نو اواز  يی  ضعيف    او  ساده  ښکاريده  .د  څو  پيړيو  د خپريدو  او اصلاح   نه وروسته   د کوريايی  قوم  خلکو د نورو قومونود موسيقی د همدغو  الو  د  غوره والی  د زده کولو  پر اساس  بالاخره  هغه  نوی  اله  رامنځ  ته کړه چه  څرګند قومی  خصوصيتونه   او  ښه  کيفيت  لری  . 

د چين  د ولسی  جمهوريت  د جوړيدو نه  وروسته  د نوموړی  الی  په  جوړونه  کی  نوی  اصلاحات  رامنځ ته  شول .  د موسيقی د الاتو  جوړونکو   د مسلسلو  هلوځلو  نه  وروسته  په  وار  سره   اتلس   او  يوويشت   تارلرونکی  الی  هم  جوړی  کړی دی  . په  تيره  بيا  د  ٢١  تار لرونکی  جيا يی  چين  په  وسيله  ډير  خواږه  او  په  زړه  پوری   موزيک   غږولی  شی  .    

 د نوموړی  موسيقی الی  په وسيله  غږول شوی  موزيک  ډير ښکلی  او خوندور دی   او د هغی په  واسطه  نه يوازی  د خلکو  د  خوښۍ  ، کرکی  ،  خواشينی  او  غم  په  شمول  بيلا بيل  احساسات  ، بلکی   د برم  نه  ډکه  او عظيمه  منظره هم  څرګنديدای شی  .  پخوا  د جيا  يی  چين   په   نامه  د موسيقی  الی  غږونکی  اکثرأ  نارينه  وو ،  په  دی  څنګ  کی  چه دغه  ډول  اله  د موسيقی  په  ساحه کی  د کوريايی  قوم   په  ډيرو  مهمو قومی الو کی   شامل  شوی  ،     ښځينه   غږونکی  يی  ورځ  په ورځ  زياتيږی  .

(( جيايې چين ))   د  سولو  او غبرګ اهنګ   لپاره  استعماليږی  ،  خو  په  عمده  توګه  د ملی موزيک  د ارکسترا  په  ډله  ايز  موزيک  کی  تری  استفاده کيږی  او    سندری د  (( جيايی  چين ))  د الود  غږولو په بدرګه  ډيری  خوږی  او په  زړه  پوری  ښکاری   .       

اوس  به  د جيا يې  چين  په  وسيله  غږوله  شوی يوه په زړه  پوری  نغمه  واورئ  .