中国国际广播电台
ښاغلی يان ليانګ کونګ د چين د
موسيقی پوهانو د ټولنی مرستيال ،
د کورس د لارښوونی د علمی ټولنی د
شورا رييس او د مرکزی
فيلهارمونيک
لارښوونکی دی
. په ١٩٢٣ کال کی يی د چين په
منځنی ښار وو هان کی وزيږيده .
په ١٩٤٢کال کی د امتحان له
لاری د چين د موسيقی په دولتی
پوهنځی کی شامل شو او په
١٩٤٧کال کی ورځنی د فارغيدو نه
وروسته هغه د ښوونکی په توګه د
هانکانګ د چينی موسيقی په پوهنځی
کی وګمارل شو .
په ١٩٤٩کال کی د چين د
ولسی جمهوريت د جوړيدو نه وروسته
ښاغلی يان ليانګ کونګ په بيجينګ
کی د موسيقی د مرکزی پوهنځی د
يوه استاذ په توګه استخدام شو
او د نوموړی پوهنځی د ځوانانو
د کورس هيات د لارښوونی دنده
يی په غاړه درلوده ، او په
١٩٥٢کال کی د چين د سندرو او
نڅاؤ د مرکزی ډلی د کورس ګروپ
لارښوونکی و . په ١٩٥٤کال کی د
لوړو تحصيلاتو لپاره پخوانی
شوروی اتحاد ته لاړ او د
چايکوفسکی د موسيقی د پوهنځی د
لارښوونکی علم په څانګه کی
څيړونکی زده کوونکی وګرځيد او
ښاغلی انوسوف او سوکولوف دده
استاذان ؤ . په ١٩٥٨کال کی
چين ته د راستنيدو نه وروسته يی
د چين د مرکزی کورس د هيات د
لارښوونی دنده ومنله . په
١٩٧٩کال هغه د نوموړی هيات په
مشرۍ په فليپين کی د کورس په
لومړنی نړيوال فيستيوال کی برخه
واخيستله او په ١٩٨٢کال کی د
مرکزی فيلهارمونيک دکورس ګروپ د
هغه په لارښوونه د لويديځی
اروپا د هيوادونو د اوپراګانو په
باب هنری کنسرت اجرا کړی ؤ
.
په ١٩٨٣ کال کی د هنګری دکودالی
د يادونی
کميټی له دی امله ښاغلی يان
ليانګ کونګ ته اړونده تصديق
نامه او يادګاری نښه ورکړه ،
ځکه چه هغه د کودالی د موسيقی
د اثارو او تدريسی طريقی او
ميتود د خپرولو په بهير کی
خدمات سر ته رسولی دی .
په ١٩٨٦کال کی د چين د
کورس د لارښوونی علمی ټولنه
جوړه شوه او يان ليانګ کونګ د
دی ټولنی د رييس په حيث
انتخاب شو.
نوموړی په وار سره د
هنری هيات په مشرۍ يا د بلنی
په اثر په شمالی امريکا، جنوب
ختيځی اسيا ، تايوان او
هانکانګ کی ننداری وکړې او د
هيواد په بيلا بيلو سيمو کی
يی لکچرونه ورکړی او ورکوی
يی . يان ليانګ کونګ د چين
دکورس د مسلکی چارو د
پرانستلو له شخصيتونو څخه بلل
کيږی او د کورس د لارښوونی په
ساحه کی يو ممتاز او وتلی
هنرمند دی .
اوس به يوه مشهوره او په
زړه پوری ترانه واورئ چه د
يان ليانګ کونګ په لارښوونه
دکورس په شکل ويله شوی او
نوم يی دی _
د ژيړ سيند په
ستاينه .
|
