جو شياو يان    د چين  د ښځو  په  جګ أواز کی  له   سندرغاړو  او  د أواز لرونکی  موسيقی  له  تعليم پوهانو څخه  شميرل کيږی  او  د  شانګهای  د موسيقی  د  پوهنځی   عمری  پروفيسره  هم ده  .

په  ١٩١٨ کال کی  جو شياو يان  د  هو بۍ  په  ولايت   کی  زيږيدلی  او  پلار  يی  چه  جو څانګ ګو  نوميده  ،  يو  روشنفکر صنعتګر ؤ   او له  موسيقی  سره يی  ډيره  مينه  درلوده  .  د پلار  تر همدغو  تاثيراتو  لاندی   جو شياو  يان   له  موسيقی  سره    زياتی  علاقی  راپيدا کړی  دی   .

 د ١٩٣٥کال  د سپټمبر  په مياشت  کی   جو شياو  يان  د  شانګهای  د (( ګو لی ))  د موسيقی په  مسلکی  ښوونځی  کی  د  أواز لرونکی موسيقی  په  زده کړی  پيل وکړ  . د ١٩٣٨کال  په  پای کی  جو  شياو  يان  پاريس  ته  ورغله  او  هلته  يی  له  مشهور کمپوزر  چی ار پين  سره  أ شنايی  وکړه   او  د  هغه  په  مرسته   جو  شياو  يان د پاريس   د روسی  موسيقی  په   پوهنځی  کی  شامله  شوه  .  د  اوو  کالو  د  زيارونو  نه  وروسته  بالاخره  د ١٩٤٥ کال  د اکتوبر په مياشت کی  جوشياو يان  د  پاريس  د دولتی  تياتر  صحنی ته  پورته  شوه او فرانسوی   نندارچيانو په  تودو  چکچکو سره   د  هغی خوږ أواز  او  په زړه  پوری  نندارې  ته  ځواب  ورکړ  .  له  هغه  نه وروسته   نوموړی  د بلنی  په  اثر د چک  د  پراګ  د پسرلی  په  هنری  کنسرت کی  برخه  درلوده  . د جو شياو  يان   نمايش   ډير ستر  بری   وموند   او  د چينی  بلبلی  شهرت يی  ترلاسه کړ  .

 د ١٩٤٧ کال  د  اکتوبر  په مياشت  کی  جو شياو  يان  خپل  وطن ته  راستنه   شوه  .په ١٩٤٩  کال کی   د نوی چين د جوړيدو نه  وروسته  جو  شياو يان  د  أوازلرونکی موزيک د   ښوونکی په  توګه  د شانګهای  د موسيقی  د  پوهنځی  لخوا  ګمارله  شوی   ده  .

   د چين  د تش  په  نامه   کلتوری  لوی  انقلاب   په موده  کی به جو شياو يان   تل  په  خپل تدريسی  کار  باندی  ټينګار  کاوه  او په بريالی  ډول  يی  د نارينه  په جګ  أواز کی  مشهور  سندرغاړی  وی  شونګ   روزلی  دی  .  په  ١٩٨٤ کال کی   د ويانا په  نړيواله  سيالی  کی د جوشياو  يان  څلورو  تنو  شاګردانو  دری  طلايی جايزی  او  يو نقره يی  انعام   ترلاسه  کړی دی    .

   په  دی  غرض  چه  د چين  د اوپراګانو  چارو ته   پرمختيا ورکړی شی  ،  د ١٩٨٨ کال  د می  په مياشت کی   جو شياو  يان  د  شانګهای  د موسيقی  په  پوهنځی  کی  د  جو  شياو  يان  د اوپرا  مرکز  تاسيس   کړ او  په  ١٩٨٩ کال کی   نوموړی مرکز  د ريګوليتو  په نامه   خپله  تيارشوی  لومړنی  اوپرا  په  بريالی  توګه   ننداره چيانو ته  وړاندی کړ   .

   اوس  به  د  لوی  ديوال  په نامه   يوه  خوږه   سندره   واورئ   .