د موسيقی  په  ساحه کی  نړيوالو نامتو شخصيتونو  په  داسی  ښکلو او خوږو  ژبو  د چين  د وايلن  د  غږونکی  شنګ  جونګ  ګوو  ستايلی دی  :  هغه  د موسيقی د غږولو  برجسته  استاد ،د وايلن ډير دلفريب  غږونکی   او د چين  (( مينيوهين ))  بلل  کيږی  .

 شنګ  جونګ ګوو  د چين  په  سمفونی  ارکسترا  کی  د دولت  په  درجه  د وايلن غږونکی  دی  او  د وايلن    له  هغولومړنيو غږونکو څخه  شميرل کيږی چه په  نړيواله  ساحه کی يی  جايزه وګټله  او   د چين  لپاره وياړ  يی  ترلاسه کړ  .

   شنګ  جونګ ګوو  په  يوه  داسی  کورنی کی  زيږيدلی    دی  چه  پلار  شنګ شيو يی   د چين  د وايلن  نامتو  غږونکی  ؤ  او مور يی جو بينګ    په  أواز لرونکی  موزيک کی  بوختيا  لرله  .  دوی  ټول  ١١ اولادونه  وزيږول  چه  په  دی  جمله کی يی د لسو  اولادونو  بوختيا   له  موزيک سره  رابطه  لری  او شنګ  جونګ ګوو  او نور  اته  تنه  د وايلن  غږونکی  دی  .  شنګ  جونګ  ګوو  د پلار او مور  لومړنی  زوی   دی  او په  ١٩٤١ کال کی   زيږيدلی  دی  .

   شنګ جونګ ګوو  د ٥ کلنۍ  په وخت کی  له  خپل  پلار  څخه   د  وايلن  په  زده کړی  پيل وکړ .  او  د ٩ کلنۍ  د  زيږيدنی  په  ورځ     د چين  په منځنی  برخه کی  د  هوبۍ  ولايت  د  وو خان  ښار راډيو  د  هغه    لپاره د تيپ ريکارډر فيته ثبت  او  خپره  کړه  .  اوريدونکو  په  ستاينی  سره  وويل  چه   شنګ  جونګ  ګوو  د  وايلن   په  غږولو کی   نابغه ماشوم هلک  دی  .  

شنګ  جونګ  ګوو په ١٩٥٤ کال کی د چين  د موسيقی  د مرکزی  پوهنځی   په اړه  په  ليسه  کی  شامل  شو  او  څو  کاله  وروسته  په  ١٩٦٠کال کی   د لوړو  تحصيلاتو لپاره  د مسکو د چايکوفسکی  د موسيقی  پوهنځی  ته  وروليږل شو  او   ښوونکی  يی    د وايلن  د غږولو په نړيواله  ساحه  کی  نامتو لوی  استاد ليونيد کوګان  ؤ  .

  په  ١٩٦٤ کال کی   شنګ جونګ ګوو  خپل  وطن  ته راستون شو  او  په مداومه توکه  يی  د هيواد  په  دننه  او بهر کی خپل هنری پروګرامونه   چينی او بهرنيو نندارچيانو او اوريدونکو  ته وړاندی  کړی دی  .  د ١٩٧٦کال نه  وروسته  هغه  هرکال  د نړۍ  په  بيلا بيلو  سيمو کی   له  سلو نه زياتی نندارې   کړی  او کوی  يی  .  هغه  د هيواد  له  بهرنيو زياتو  هنری  سازمانونو سره   قراردادونه  لاسليک کړی   او  د  نړی  د  کلتوری  تبادلی  د  پرمخبيولو  لپاره  يی  ستر  خدمتونه سر ته  رسولی  دی  .

   اوس   شنګ جونګ  ګوو  د چين د ولسی  سياسی  مشورتی  کنفرانس  د ملی  کميټې   او  د چين  د  موسيقی  پوهانو  د ټولنی  د شورا د غړيتوب   په  شمول   څو  دندې  په  غاړه  لری  .

اوس  به   د هغه  لخوا   د وايلن  په وسيله  غږوله  شوی  يوه  هندی  سندره  واورئ  .