ليو ده  های  د چين   د (( پي پا  ))   نامتو  غږونکی  دی  چه  د شلمی  پيړۍ  د  پنځمی  لسيزی  په  وروستيو کلونو کی  روزل  شوی ،   خلک  ور ته  د   ((پی پا ))  لوی  استاد   وايی   او د هيواد ممتازو او بريالی موسيقی پوهانو نمونه  ګڼله کيږی       چه  د هيواد  په  دننه او دباندی   ډير  شهرت  لری  .

     ښاغلی  ليو ده  های په ١٩٣٧ کال کی  د چين  د ختيځ  په  لوی  ښار  شانګهای کی  وزيږيده  او  په  ليسه کی  د زده کړی  په موده کی  يی  له  فولکلوری  موزيک  سره  ډيره  علاقه  او مينه  درلود ه   او خپل ځانګړی  استعداد يی  ښکاره کړ .

 په  ١٩٥٠ کال  کی يعنی   د ١٣ کلنۍ  په  وخت کی   يی  د (( ارهو ))  ،  شپيلۍ  او داسی نورو موسيقی الو د غږولو  په زده کړی  پيل وکړ  او  په  ١٩٥٤ کال کی  د (( پی  پا ))  د موزيک په  برخه  کی  نامتو غږونکی  ښاغلی  لين شه  چينګ  د ليو ده  های  استاد  وګرځيد  .  په  ١٩٥٧ کال کی  نوموړی  د  ازموينی  نه  وروسته  د موسيقی  په  مرکزی  پوهنځی کی  شامل  شو  .

     ښاغلی  ليو ده  های  د پی  پا  د غږولو په  برخه کی  د پخوانی   فن  او  مهارت پر  اساس  د نغمو د محتوياتو سره  سم  نوی والی  رامنځ  ته  کړی  دی   او په  دی  اثر  غږول  شوی   نغمی  لا خوږی  او ښکلی  دی  .

     له  ١٩٧٨ نه  نيولی  تر ١٩٨١ کاله  پوری   ښاغلی  ليو ده های  د امريکی  د بوستون د سمفونی  ارکسترا ،د لويديځ  برلين   د سمفونی ارکسترا   او نامتوجاپانی  لارښوونکی  سيزی وزاوا  سره  همکاری  وکړه   او په  ګډه  يی   په  بيجينګ  ،  امريکا او فرانکفورت  کی په دښته کی د کوچنيو خويندو په  نامه  د پی پا  کنسرتو  نندارچيانو ته  وړاندی کړه   او د چينی او خارجی  اوريدونکو لخوا  يی  تود هرکلی  وشو  او  د چينی او غربی  موزيک  د  يوځايښت  په  تاريخ کی يی  ځلانده  پاڼه  اړولی ده  .       

      اوس ليو ده  های  د چين  د موسيقی  د پوهنځی  پروفيسر  دی   او د چين  د موسيقی پوهانو د ټولنی  د شورا  د  دايمی غړی   او د هنری  کميټې  د مرستيال   او د چين  د اديبانو  اوهنرمندانو د ګډی  کميټې  د  غړی  په توګه  دندی  په  غاړه لری  .  هغه  په وار سره   څه د پاسه  ديرشو  هيوادونو او سيمو ته  سفرونه  وکړل  او هلته  يی  ننداری وکړې  او  لکچرونه  يی  ورکړل  .  په   سمفونی  موزيک  کی  د ((  پی  پا  ))  د ګډون  کولو په  برخه کی  يی خدمتونه  ترسره کړی   او   د  نړيوال  کلتوری  تبادلی  په  ساحه کی   د نوموړی  چينی  موسيقی الی  د رول  لوبولو لپاره  يی  نوی  وضع  پرانستلی ده  .

     اوس  به  د  ليو ده  های  لخوا  د  پی  پا   په  وسيله  غږوله  شوی  نغمه واورئ  .