دچين د صنعت  چټک  انکشاف د تيری  پيړۍ د پنځمی لسيزی په ابتدايی موده کښی  پيل شوی و .په  ١٩٤٩ کال کښی د نوی چين د تاسيس نه وروسته دچين  صنعت دهر اړخيزی  اعادی او انکشاف دوری ته  داخل شوی دی .  په  ١٩٧٨ کال کښی د اصلاح او ورخلاصون نه مخکښی په چين کښی  په  ابتدايی توګه نسبتی مکمل صنعتی اقتصادی سيستم   جوړ شوی و . د نفتو عنعنوی صنعت ، د نوی را منځ ته شوی صنعت په توګه کيمياوی صنعت او الکترونيکی صنعت  نسبتی انکشاف موندلی دی، د عصری علمی او تخنيکی  صنعت په توګه  ذروی صنعت او د فضانوردۍ صنعت ستر  انکشاف کړی دی . د تيری پيړۍ داوومی لسيزی د وروستی  دوری نه راهيسی دچين  صنايعو ډير چټک  انکشاف کړی دی ، له ١٩٧٩ کال نه تر ٢٠٠٣ کاله پوری د صنايعو دزياتوالی ارزښت هر کال  په متوسط ډول  په سلو کښی په لس  سرعت سره زيات شوی و .

  د څه د پاسه پنځوسو کالو دانکشاف له برکته  دچين دعمده و صنعتی توليداتو توليدی  اندازی په لس ګونه حتی  څو سوه چنده  سرعت سره زياتی شوی دی ، څو څو ډوله توليدات د نړۍ  بيلا بيلو ځايونو ته پلورل شوی دی . د ١٩٩٦ کال  د پيل نه راهيسی د فولادو او اوسپڼی ، سکرو ، سمنټو، زراعتی کيمياوی سرو او تيلويزيونونو توليدی اندازی  تل  په نړۍ کښی  لومړۍ مقام  نيولی دی .

په ٢٠٠٣ کال کښی  په  چين کښی د صنعتی زياتوالی ارزښت پنځه زرو دری سوو يو شپيتو مليارډو دوه سوو مليونو ژن مين  بی  يونو ته ورسيد چه دغه رقم د ٢٠٠٢ کال په نسبت په سلو کښی دوولس اعشاريه شپز زيات شو . اوس  چين   نه يوازی  اولوتکی، بيړۍ او موټرونه  جوړولی شی ،  بلکه هم مصنوعی  سپوږمۍ او عصری صنعتی تجهيزات جوړولی شی .يو داسی خپلواک صنعتی سيستم جوړ شوی دی چه  مناسب تخنيکی سويه  لری او ډولونه يی نسبتا مکمل دی . په راتلونکی وخت کښی به چين  داسی ستراتيجی نوره هم  تطبيق کړی کوم چه د انفارميشين کولو له لاری به صنعتی  کول پرمخبيول شی ، څو چه  صنايع دچين د اقتصادی وده په پرمخبيولو  کښی لا ستر رول ولوبوی .