|
د ١٩٨٩ کال د جنوری په مياشت کی
د استراليا صدراعظم هوک د کوريا
جمعوريت ته د خپل سفر په
موده کی د سيمی د وزيرانو په
درجه د غونډی د جوړيدو په باب
د (( سيول تجويز )) وړاندی
کړ ترڅو په هغی کی د اقتصادی
همکاری د پياوړتيا په باب
موضوع وڅيړل شی . د اړوندو
هيوادونو سره د سلامشورو نه
وروسته استراليا ، امريکی ،
جاپان ، د کوريا جمهوريت ، نوی
زيلاند ، کانادا او د هغه وخت
د جنوب ختيځی اسيا د اتحاديی
شپږو غړو هيوادونو د استراليا
په مرکز کانپيرا کی د اسيا او
ارام سمندر د سيمی د اقتصادی
همکاری د موسسی د وزيرانو په
درجه لومړنی غونډه جوړه کړه
او په هغی کی د نوموړی موسسی
(
APEC
) تاسيس اعلان شو .
د ١٩٩١ کال د نوامبر په
مياشت په سيول کی د
APEC
د موسسی د وزيرانو په سويه په
دوهمه غونډه کی د سيول
ابلاغيه تصويبه شوه او په هغی
کی په رسمی توګه د نوموړی
موسسی مرام او اهداف ټاکل
شول او هغه دا دی
–
د خپلی سيمی د خلکو د ګډو
منافعو او ګټو لپاره دی د
اقتصادی پرمختګ بهير وساتل شی ،
په اقتصادی ساحه کی بايد
مختلفو غړی يو پر بل باندی
اټکا وکړی ، د څو اړخيز تجارت
په هکله ورخلاصی سيستم دی
پياوړی شی او د سيمه ايز تجارت
او سرمايه ګذارۍ په برخه کی
بنديزونه دی کم شی .
د اسيا او ارام سمندر د سيمی د
اقتصادی همکاری موسسه ټول ٢١
غړی لری .
د نوموړی موسسی او چين ترمنځ
روابط
چين په ١٩٩١ کال کی د
نوموړی موسسی د غړيتوب د ګټلو
نه راهيسی په فعاله توګه د
APEC
په اړوندو بيلا بيلو فعاليتونو
کی برخه اخيستی او د خپل
هيواد د اصلاحاتو او ورخلاصون
لپاره يی ښه او مساعد بهرنی
چاپيريال رامنځ ته کړی او د
چين او د نوموړی موسسی د
اړوندو غړو ترمنځ د روابطو
انکشافی بهير يی هم ډير
ګړندی کړی دی . د ١٩٩٣ کال
راهيسی هر کال د چين د دولت
رييس د نوموړی موسسی د مشرانو
په غير رسمی غونډه کی برخه
لری او په هغو کی يی د موجودو
مسئلو په هکله د چين نظريات
وړاندی کړی او اصولی دريځ يی
څرګند کړی او د هری غونډی
د بريالي کيدو لپاره يی فعال
او مثبت رول لوبولی دی . په
٢٠٠١ کال کی چين په بريالی
ډول په شانګهای ښار کی د
APEC
د موسسی غير رسمی سرمشريزه
غونډه ترسره کړی وه .
|
