د  وروستيو  څو کلونو راهيسی   دچين  حکومت  د  هغه  ستراتيژيکی  پلان  سره سم  چه د  علومو  او  پوهنی  په وسيله  هيواد  اباد  او سمسور کړی  شی  ،  د  علومو او  تختيکونو  ودې ته  ډير اهميت  ورکړی   او  د علمی  څيړنی  او  تخنيکی  نوی  والی  په  برخه کی  يی  زياتی  پانګی  اچولی دی .  مثلأ   يوازی  په ٢٠٠٣ کال کی  په نوموړی  ساحه کی د  ټولی  ټولنی  لخوا  اچول شوی  پيسی  له ١٥٠  ملياردو  ژن مين  بی  يوانو څخه  اوښتی چه  د  چين  د داخلی  توليداتو په  عمومی ارزښت کی يی په  سلو کی  يو اعشاريه  ٣٥  برخه  نيولې ده  . 

     د چين  د علمی او تخنيکی  کار  په عمده  توګه د دولت  په  درجه   د علمی او تخنيکی  پلان   د  تطبيق   له  لاری   ترسره  کيږی  .  اوس   مهم   علمی او تخنيکی  پلانونه   په  بنيادی   څيړنی  ،  د  لوړو  او نويو تخنيکونو په  بهربردارۍ  ،  کرنی  ، عصری  او نويو  تخنيکی  صنايعو ،  فضايی  تکنالوژۍ   ، ملی  دفاع  او داسی نورو ساحو  پوری  اړه  لری  .  دغه پلانونه  لومړی  د چين د ساينس  او تکنالوژۍ  د وزارت  لخوا  ټاکل کيږی   او بيا د مناقصی د  ايښودلو له لاری    اړوند  علمی  څيړونکی  سازمانونه   انتخاب  کيږی  .  ټاکل  شوی  اړوند  سازمانونه  د نوموړو پلانونو د  ترسره  کولو لپاره  پيسی   له حکومت  څخه  اخلی  .

      د  څو  کلونو د  زيارونو او هلوځلو نه  وروسته  چين  د  بيلا بيلوساحو  په  شمول  د علمی او تخنيکی  څيړنی  او نوی والی  د لياقت  او توان  خاوند شوی  دی  .  په تيره  بيا  د بنيادی  او لومړنی  څيړنی   او  لوړو او نويو تخنيکونو  په   ځينو  ساحو کی  د چين  لخوا  ترلاسه شوی  برياليتوبونه  د نړۍ  مترقی  سويی ته  رسيدلی يانژدی شوی  دی  .

د چين  د  عالمانو  په قلم د  هغو  تيزسونو شمير  چه  په  اړوندو   نړيوالو   جريدو  او مجلو  کی  خپاره  شوی  ،  په  ٢٠٠٣ کال  کی  په   نړی  کی   پنځم  مقام  نيولی دی  . دغه راز د چين  په  داخل کی  د  علمی او تخنيکی  اختراعاتو او کشفياتو  په اړه  د امتيازی  حق   غوښتنليکونو  هم  نسبتأ  لوی  زياتوالی  وموند  . له دی  نه  څرګنده شوی چه د علمی او  تخنيکی  نوی والی  په برخه کی  د چين  طاقت  او لياقت  د لوړيدو په  حال کی  دی  .