. زمونږ دراډيو دخبريال د خبرله مخی د افغانستان داسلامی انتقالی دولت رئيس حامد کرزی د جولای په شپږ ويشتمه نيټه اعلام وکړ چه دافغانستان د جمهوری رياست په هغو عمومی انتخاباتو کښی ګډون وکړی کوم چه ټاکل شوی دی، دروان کال داکتوبر په مياشت کښی به تر سره شی .دروانی مياشتی شپږويشتمه نيټه د افغانستان د جمهوری رياست دکانديدانو له خوا د ثبتولو اخری ورځ وه .په همدغه ورځ حامد کرزی په رسمی ډول اعلام وکړ چه هغه دجمهوری رياست په عمومی انتخاباتو کښی دګډون دپاره د رسمی ثبتولو کار تر سره کړی دی،اوس دی د افغانستان د جمهور رياست په انتخاباتو کښی د ګډون دپاره له رسمی کانديدانو څخه شميرل کيږی . درويتر اژانس د خبر له مخی په افغانستان کښی څه د پاسه شل تنه کانديدان به د جمهوری رياست دانتخاباتو په سيالی کښی ګډون وکړی چه په دی جمله کښی دافغانستان د اسلامی انتقالی دولت دپوهنی وزير يونس قانونی هم شامل دی . د خبرونو نه وروسته به تاسو په دی هکله يو مفصل راپور واوری .
