د چين د بين المللی راډيو د خبريال د خبر له مخی په ملګرو ملتو کی د چين د دايمی نمايده مرستيال جيان يی شان د اګيست په ٢٥مه نيټه د افغانستان د بيا رغاونې د بهير او د عمومی انتخاباتو د تدارکاتو د حالاتو په باب د امنيتی شورا په غونډه کی چی د ملګرو ملتو په مقر کی جوړ شوی دې ته اشاره وکړه چی د افغانستان د سولې او بيا رغاونې په هکله دنده لا هم ډېره سخته ده او د عمومی انتخاباتو په ژر جوړېدو سره د افغانستان د امنيتی اوضاع ساتنه او ښه والی يو ډېر مهم کار دی.
هغه وويل چی اوس د افغانستان د حکومت په وړاندی لومړنی وظيفه دا ده چی د ازادی او عادلانه انتخاباتو له لارې يو پراخ بنسټ حکومت جوړ شی او عمومی انتخابات به د افغانستان په سياسی بهير کی يوه ډېره مهمه مرحله وی. هغه د افغانستان له حکومت څخه غوښتنه وکړه چی په دوامداره توګه د امنيت د ساتلو دپاره تدبيرونه غوره کړی او همدا راز له بين المللی ټولنې نه يی غوښتنه وکړه چی بايد په فعاله توګه له افغانستان سره امنيتی مرسته وکړی. چين به د پخوا په شان د افغانستان د سولې او بيا رغاونې څخه مثبت ملاتړ او پکی به ګډون وکړی.
